The benefits of Rube Card ATM
ATM డెబిట్ కార్డు ఉందా? ఉచితంగా రూ.10 లక్షల ఇన్సూరెన్స్!
ప్రధానాంశాలు:
- రూపే కార్డుపై కాంప్లిమెంటరీ ఇన్సూరెన్స్ సేవలు
- లక్ష రూపాయల నుంచి రూ.10 లక్షల వరకు బీమా మొత్తం
- రూపే కార్డులను జారీ చేస్తున్న ప్రభుత్వ, ప్రైవేట్ రంగ బ్యాంకులు
మీకు రూపే డెబిట్ కార్డు ఉందా?
దాంతో ఏటీఎం నుంచి డబ్బులు తీసుకోవడం, ఆన్‌లైన్ షాపింగ్ చేయడం, ఇతర కొనుగోళ్లు జరపడం మాత్రమే కాదండోయ్.. అదిరిపోయే బెనిఫిట్ కూడా ఉంది. బ్యాంకులు జారీ చేసే రూపే కార్డుపై ఏకంగా రూ.10 లక్షల వరకు ఉచిత ఇన్సూరెన్స్ పొందొచ్చు. దేశంలోని ఏ బ్యాంకులోనైనాసరే అకౌంట్ ఓపెన్ చేసిన వారికి ఈ ప్రయోజనం లభిస్తుంది.
తొలి రూపే గ్లోబల్ కార్డు 2014లో జారీ చేశారు. భారత్‌లో ఎన్‌పీసీఐ ఈ కార్డు లావాదేవీలను పర్యవేక్షిస్తుంది. విదేశాల్లో కూడా ఈ కార్డు వాడొచ్చు. దీని కోసం ఎన్‌పీసీఐ.. డిస్కవర్ నెట్‌వర్క్‌తో జతకట్టింది.
రూపే గ్లోబల్ కార్డు ఐదు వేరియంట్ల రూపంలో అందుబాటులో ఉంది. రూపే క్లాసిక్ డెబిట్ కార్డు, రూపే క్లాసిక్ క్రెడిట్ కార్డు, రూపే ప్లాటినం డెబిట్ కార్డు, రూపే ప్లాటినం క్రెడిట్ కార్డు, రూపే సెలెక్ట్ క్రెడిట్ కార్డు అనేవి ఇవి.
రూపీ, పే అనే రెండు పదాల కలయికతో రూపే కార్డుకు నామకరణం చేశారు. వీసా, మాస్టర్ డెబిట్ కార్డులను విదేశీ పేమెంట్ సిస్టమ్‌పై ఆధారపడి పనిచేస్తాయి. అయితే రూపే కార్డు స్వదేశీ పేమెంట్ టెక్నాలజీపై పనిచేస్తుంది.
రూపే కార్డు ప్రయోజనాలు..
- రూ.10 లక్షల వరకు పర్సనల్ యాక్సిడెంట్ ఇన్సూరెన్స్ కవర్ లభిస్తుంది.
- రూపే సెలెక్ట్ క్రెడిట్ కార్డు కలిగిన వారికి మాత్రమే ఈ బెనిఫిట్ ఉంటుంది.
- రూపే ప్లాటినం డెబిట్ కార్డుపై రూ.2 లక్షలు, రూపే క్లాసిక్ డెబిట్ కార్డుపై రూ.లక్ష బీమా మొత్తం లభిస్తుంది.
- విదేశాల్లో రూపే కార్డు ఉపయోగిస్తే ఏటీఎం ట్రాన్సాక్షన్లపై 5 శాతం, పీఓఎస్ లావాదేవీలపై 10 శాతం క్యాష్‌బ్యాక్ పొందొచ్చు.
- ఉచిత డెమెస్టిక్, ఇంటర్నేషనల్ లాంజ్ ఫెసిలిటీ కూడా ఉంది.
- స్టేట్ బ్యాంక్ ఆఫ్ ఇండియా (ఎస్‌బీఐ), పంజాబ్ నేషనల్ బ్యాంక్ (పీఎన్‌బీ) సహా అన్ని ప్రధాన బ్యాంకులు వారి కస్టమర్లకు రూపే కార్డులను జారీ చేస్తున్నాయి.
- హెచ్‌డీఎఫ్‌సీ బ్యాంక్, ఐసీఐసీఐ బ్యాంక్, యాక్సిస్ బ్యాంకులు కూడా ఈ కార్డులను అందిస్తున్నాయి.
0 Response to "The benefits of Rube Card ATM"
Post a Comment