Vinadam Nerchukundaam Radio Lesson 17.12.19

Vinadam Nerchukundaam Radio Lesson
<><><><><><><><><><>

*★  "విందాం - నేర్చుకుందాం"..*

*★ నేటి రేడియో పాఠం*

★ తేదీ : 17.12.2019

★ విషయం : తెలుగు

★ పాఠం పేరు : "త్రిలింగాలు"..

★ తరగతి : 5వ తరగతి

★ సమయం : 11 AM

★ నిర్వహణ సమయం : 30 ని.

*నేటి రేడియో పాఠం : "త్రిలింగాలు".. (17.12.19)... బోధనా లక్ష్యాలు, బోధనాభ్యసన సామాగ్రి, కృత్యాలు, పాట...

〰〰〰〰〰〰〰〰 

✳ *త్రిలింగాలు* 

〰〰〰〰〰〰〰〰 

✡ *బోధనా లక్ష్యాలు:*

*విద్యార్థినీ విద్యార్థులు :*

• సంభాషణలు ద్వారా పాఠ్యసారాంశాన్ని గ్రహిస్తారు.

• త్రిలింగాల చారిత్రక నేపధ్యాన్ని అర్థం చేసుకొని వ్యక్తీకరిస్తారు.

• మన రాష్ట్రంలో గల దర్శనీయ ప్రదేశాలపైన అవగాహన పొందుతారు.

• రాష్ట్రం యొక్క గొప్పతనాన్ని భౌగోళికతను గురించి తెలుసుకుంటారు.

• అడిగిన ప్రశ్నలకు సమాధానాలు చెప్పగలుగుతారు. సొంత మాటల్లో సమాధానాలు రాస్తారు. 

• వివిధ కృత్యాలు ద్వారా పదజాలభివృద్ధి, సృజనాత్మకతను సాధిస్తారు.

• పాట ద్వారా పాఠ్యాంశ విషయాన్ని పూర్తిగా అవగాహన పొంది,పాటను సొంతంగా పాడగలుగుతారు.

★★★★★★★★

✡ *బోధనాభ్యసన సామగ్రి:*

1} తెలుగు పాఠ్యపుస్తకం, 

2)  నోటుపుస్తకం 

3) పెన్నులు,

4) పది పదాలను పది చీటీలలో రాయాలి అవి. 1. ఆహ్లాదం   2. రమణీయం   3. సంస్కృతి,   4. గోదావరి   5. విస్తరించు   6. పండుగ   7. ప్రవహించు   8. దర్శించు   9. క్షేత్రాలు    10. ప్రకృతి - ఈ పదాల రాసిన చీటీలను ఆటలో ఉపయోగించాలి.

5) నల్లబల్ల

6) సుద్దముక్కలు,

7) చార్టు పై రాసి ఉంచిన పాట.

★★★★★★★★

✡ *కార్యక్రమంలో నిర్వహించబోయే “ఆట” ఆడించే విధానంపై అవగాహన కలిగియుండాలి.*

*ఆట:* 

రేడియో పాఠం ప్రసార సమయంలో నిర్వహించే ఆట గురించి తెలుసుకొని ఉండాలి. ఆటను సక్రమంగా ఆడించాలి. *నిర్వహణ విధానం:*

• ఆటను రేడియో టీచర్ సూచనలు ఆధారంగా ఆడించాలి.

• పిల్లలను వృత్తాకారంలో నిల్చో పెట్టాలి.

• పదాలు రాసిన చీటీలను పిల్లల మధ్యలో ఉంచాలి ,

• మ్యూజిక్ రాగానే పిల్లలందరూ వృత్తం చూట్టూ తిరగాలి, మ్యూజిక్ ఆగిపోగానే పిల్లలు తిరగడం ఆపాలి.

• వృత్తం మధ్యలో ఉన్న చీటీలలో ఒక్కొక్క విద్యార్థితో రెండు చీటీలు తీయించి, వాటిని ఉపయోగిస్తూ సొంత వాక్యాలు చెప్పించాలి.

• ఇలా మొత్తం ఆటను పిల్లలతో ఆడించాలి.

★★★★★★★★

✡ *బోధనాభ్యసస కృత్యాలు :*

*ప్రసార పూర్వ కృత్యాలు :*

✡ *కార్యక్రమంలో నిర్వహించబోయే కృత్యాలపై అవగాహన కలిగి ఉండాలి.* 

*కృత్యము :1:  వినడం - మాట్లాడడం*

• సంభాషణల పై ఆరు ప్రశ్నలు అడగబడుతాయి.

• ఒక్కొక్క విద్యార్థితో, ఒక్కొక్క ప్రశ్నకు సమాధానం చెప్పించాలి.

• రాజు,లతలు చెప్పే సమాధానాలను పిల్లలందరు వినేలా చూడాలి.

*కృత్యము :2*

•  తెలుగు పాఠ్యపుస్తకంలోని 19 వ పేజీలోగల రెండు మరియు మూడవ పేరాలు చదవాలి.

• రేడియో టీచర్ అడిగే ప్రశ్నలకు సమాధానాలు చెప్పించాలి.

★★★★★★★★

✡ *కార్యక్రమములో ప్రసారమయ్యే పాటను చార్డుపై స్పష్టంగా రాసి తరగతి గదిలో ప్రదర్శించాలి.*

🎼  *పాట:*

[ *పాఠ్యాంశ సంబంధిత రేడియో వినిపించబోయే పాట:* ]

🎤 *పల్లవి :* 

మూడు లింగాలున్న మురిపంపు నేల!

ఇది తెలుగు నేల! ఇది తెలుగు నేల!

ముక్కోటి సురులను మొక్కేటి నేల

ఇది తెలుగునేల! ఇది తెలుగు నేల!    //మూడు లింగాలున్న//

🎻 *చరణం 1:*

శ్రీశైల మల్లన్న శివమెత్తి ఆడంగ

భ్రమరాంభికా దేవి భక్తితో కొలవంగ

వేడుకొంటే చాలు తొలగు పాపాలంట    //మూడు లింగాలున్న//

🎻 *చరణం 2:*

భీమేశ్వర స్వామి పిలిచినంతనె వచ్చు

మాణిక్య మాంబయు వరములెన్నోయిచ్చు

దక్షతగ దేవుండు దక్షరామమునుండి

రక్షించు నెల్లప్పుడు మాకు అండగ నిల్చి    //మూడు లింగాలున్న//

🎻 *చరణం 3:*

కాళేశ్వరమమ్ము కాపాడుమయ్యా

ముక్తేశ్వరా మాకు ముక్తి నిడుమయ్యా

శక్తి వంచన లేక మీ పూజ చేస్తాము

భక్తి భావమ్ముతో కొలుచుకుంటాము    //మూడు లింగాలున్న//

★★★★★★★★

✡ *పాట ప్రసార సమయంలో*

• మొదటిసారి పాట వచ్చే సందర్భములో చార్టులోని పాటను వేలితో లేదా పాయింటర్ తో చూపిస్తూ చదవాలి.

• రెండవ సారి పాటను, చార్టును చూపిస్తూ రేడియోలో వచ్చే పాటతో జతకలుపుతూ పాడించాలి.

★★★★🔚🙋‍♂★★★★

Share on FacebookPlus on Google+

SUBSCRIBE TO OUR NEWSLETTER