modi sensation decision .. 50 crore free corona tests

Modi సంచలన నిర్ణయం.. 
50 కోట్ల మందికి ఉచితంగా కరోనా టెస్ట్‌లు!
ఆయుష్మాన్ భారత్‌ కిందకు కరోనా
ఉచితంగానే కోవిడ్-19 టెస్ట్‌లు
ట్రీట్‌మెంట్ కూడా ఫ్రీ

• కేంద్ర ప్రభుత్వం కీలక నిర్ణయం తీసుకుంది. కరోనా వైరస్‌ను ఆయుష్మాన్ భారత్ స్కీమ్ పరిధిలోకి తీసుకువచ్చింది. దీంతో దేశంలోని 50 కోట్ల మంది ఉచితంగా ప్రైవేట్ ల్యాబ్స్‌కు వెళ్లి కోవిడ్ 19 టెస్ట్‌లు చేయించుకోవచ్చు.
• కేంద్ర ప్రభుత్వం కీలక నిర్ణయం తీసుకుంది. కరోనా వైరస్ ట్రీట్‌మెంట్, టెస్టింగ్ వంటి వాటిని ఆయుష్మాన్ భారత్ ప్రధాన్ మంత్రి జన్ ఆరోగ్య యోజన స్కీమ్ పరిధిలోకి తీసుకువచ్చింది.
• పబ్లిక్ పెసిలిటీలలో ఇప్పుడు కూడా కోవిడ్ 19 టెస్టింగ్ ప్రజలకు ఉచితంగానే అందుబాటులో ఉన్న విషయం తెలిసిందే. అయితే కేంద్ర ప్రభుత్వపు తాజా నిర్ణయంతో ఆయుష్మాన్ భారత్ స్కీమ్ కింద అర్హులైన 50 కోట్ల మందికి కోవిడ్ 19 పరీక్షలు ఉచితంగా చేయించుకోవచ్చు.
• ప్రైవేట్ ల్యాబ్స్ కూడా వీరికి ఉచితంగానే కరోనా వైరస్ టెస్ట్‌లు చేయాల్సి ఉంటుంది. నేషనల్ హెల్త్ అథారిటీ (ఎన్‌హెచ్ఏ) తాజాగా ఈ విషయాన్ని వెల్లడించింది.
• కేంద్ర ఆరోగ్య శాఖ మంత్రి హర్ష వర్ధన్ మాట్లాడుతూ.. కరోనా వైరస్ శరవేగంగా విస్తరిస్తూ వస్తున్న ప్రస్తుత ప్రతికూల పరిస్థితుల్లో ప్రైవేట్ రంగానికి సంబంధించి కూడా వేగంగా నిర్ణయాలు తీసుకోవలసి ఉంటుందన్నారు. కరోనా వైరస్ టెస్ట్‌లను, ట్రీట్‌మెంట్‌ను ఆయుష్మాన్ భారత్ కిందకు తీసుకురావడం వల్ల చాలా మందికి ప్రయోజనం కలుగుతుందని తెలిపారు. ప్రైవేట్ రంగ భాగస్వామ్యం కూడా పెరుగుతుందని పేర్కొన్నారు.
• ఆయుష్మాన్ భారత్ స్కీమ్ ద్వారా ప్రైవేట్ రంగం సాయంతో కరోనా వైరస్ టెస్టింగ్, ట్రీట్‌మెంట్ ఫెసిలిటీలను మరింత అందుబాటులోకి తీసుకురావాలని కేంద్ర ప్రభుత్వం యోచిస్తోంది. ఐసీఎంఆర్ నిబంధనల ప్రకారం.. అన్ని ప్రైవేట్ ల్యాబ్స్‌కు కోవిడ్ 19 టెస్టింగ్‌కు అనుమతులు లేవు. కేవలం ఎన్ఏబీఎల్ గుర్తింపు ఉన్న ల్యాబ్స్‌కే ఇది వర్తిస్తుంది.
• దేశంలో కరోనా వైరస్ కేసులు వేగంగా పెరుగుతున్న నేపథ్యంలో ప్రైవేట్ రంగ భాగస్వామ్యం ఉంటే ఎక్కువ మందికి మంచి వైద్యం అందించడం వీలవుతుందని ఎన్‌హెచ్ఏ అభిప్రాయపడింది. రాష్ట్రాలు కూడా ప్రైవేట్ రంగ హాస్పిటల్స్‌ను కేవలం కోవిడ్ 19 హాస్పిటల్స్‌కు మార్చడానికి అందుబాటులోకి అవకాశాలను పరిగణిస్తున్నాయి.

Share on FacebookPlus on Google+

SUBSCRIBE TO OUR NEWSLETTER