New Education Systam new syllabus
- ఏటేటా పరీక్షల కిక ఫుల్‌స్టాప్ !
- కొత్త చదువులు కొత్త సిలబస్
- LKG నుండే భారీగా ఆన్లైన్ తర్ఫీదులు
- జాతీయ పోటీ పరీక్షలే లక్ష్యంగా సిలబస్
- భారతీయ విద్యా విధానంలో కొత్త మలుపులు
ప్రపంచ వ్యాప్తంగా పిల్లల విద్యావ్యవస్థలో పలు మార్పులొచ్చేస్తున్నాయి . గతంలో ప్రతి ఏటా పరీక్షలు నిర్వహించి ఉత్తీర్ణులైన వారినే పై తరగతులకు పంపేవారు . తర్వాత 7 , 10 వ తరగ తులకు మాత్రమే నిబద్ధతతో కూడిన పరీక్షల్ని నిర్వహిస్తున్నారు . ఇప్పుడు ప్లస్ 2 వరకు కూడా పరీ క్షలో పనిలేకుండా పై తరగతుల కు ప్రమోట్ చేస్తున్నారు . ఇంటర్ లేదా ప్లస్ 2 అనంతరం నిర్వహించే జాతీయ స్థాయి పోటీ పరీక్షల్లో విద్యార్థి చూపే ప్రతిభనే ఇప్పుడు విద్యార్థి మేథస్సుకు కొలమానం గా భావిస్తున్నారు . దీంతో ఇప్పుడు ప్రాధమిక , మాధ్యమిక స్థాయి నుంచి విద్యాసంస్థలు తమ పాఠ్యాంశాల్ని , సిలబస్ ను తమకు తామే రూపొందించుకుని నిర్వహించే
పరిస్థితులేర్పడ్డాయి . విద్యార్థుల భవిష్యత్ అవసరాలకనుగుణంగా వీటిని రూపుదిద్దుతున్నారు . ఎల్ కేజి స్థాయిలోనే పిల్లల ఆలోచనాశక్తి , మేథస్సును అంచనాలేసేస్తున్నారు . దీంతో పాటు వారి తల్లిదండ్రులకు పిల్లల భవిష్యత్ పట్లగల దృక్పధాన్ని , ఆర్ధిక సామర్థ్యాన్ని కూడా ఇంటర్వ్యూల రూపంలో లెక్కలేస్తున్నారు . పాఠశాలల విద్యావిధానం ఇకముందు తగ్గిపోనుంది . ఆన్లైన్ విద్యా విధానమే ప్రధానంగా మారనుంది . ఈ ఆన్లైన్ విధానంలో బోధించాల్సిన పాఠ్యాంశాల్ని ఎవరికి వారు రూపొందించుకుంటారు . ఐఐటీలు , ఐఐఎమ్లు , ఇతర అత్యున్నత విద్యాసంస్థల్లో సీట్లు పొందే స్థాయిలో పిల్లల్ని రూపుదిద్దేందుకు అవసరమైన సిలబస్ ను మాత్రమే ఇకముందు వీరు అనుసరించనున్నారు .
భవిష్యత్ పట్ల పిల్లల్లో కూడా ఇప్పుడో స్పష్టత కనిపిస్తోంది . అలాగే తల్లిదండ్రులు తమ పిల్లల చిన్న నాటి నుంచే వారి భవిష్యత్ పై కలలు గంటున్నారు . అందుకు అవసరమైన ఆర్ధిక సంపత్తిని సిద్ధం చేస్తున్నారు . విద్యకోసం ఎంతైనా ఖర్చు పెట్టేందుకు వీరు వెనుకాడ్డం లేదు . తమ పిల్లలు , ఇంజనీర్లు , డాక్టర్లు , సివిల్ సర్వీస్ , మిలటరీ లేదా ఇతర ఉన్నత ఉద్యోగాల్లో స్థిరపడ్డం కోసం ఎలాంటి త్యాగాలకైనా వీరు సిద్ధపడుతున్నారు . ఇప్పటి వరకు ప్రముఖ లేదా పేరెన్నికగన్న విద్యావ్యవస్థల్లో సీట్లు పొందేందుకీ తల్లిదండ్రులు ప్రాధాన్యతనిచ్చేవారు . కానీ ఇప్పుడు అత్యున్నత విద్యాసంస్థల్నుంచి ఆన్లైన్ కోచింగ్ ఇప్పించేందుకు ప్రయత్నించనున్నారు . అటు విద్యాసంస్థలు , ఇటు తల్లిదండ్రుల తీరులో కూడా ఈ మార్పు గోచరిస్తోంది . ప్రభుత్వాలు కూడా ఇందు కనుగణంగానే తన విధానాల్ని మార్చుకుంటున్నాయి . ఏటేటా నిర్వహించే పరీక్షల్ని పక్కన పెడుతున్నాయి . నేరుగా ఉన్నత విద్యావ్యవస్థల ప్రవేశానికుద్దేశించే జాతీయ స్థాయి పోటీ పరీక్షలే లక్ష్యంగా నిలబస్ ను సిద్ధం చేస్తున్నాయి . పెద్ద పెద్ద విద్యాసంస్థల్లో పాటు గ్రామీణ స్థాయిలోని విద్యాసంస్థల్లో కూడా ఇప్పుడు ఎల్ కెజి నుంచే ఎమ్ సెట్ ఓరియంటేషన్ , సివిల్ సర్వీస్ ఓరియంటేషన్ అంటూ ఈ విద్యార్ధులు ఎప్పుడో రాయబోయే ఎమ్ సెట్ , యుపిఎసి పరీక్షలకు ఇప్పట్నుంచే తర్ఫీదును మొదలెట్టాయి . దీంతో ప్రాధమిక , మాధ్యమిక విద్యావ్యవస్థలో ఇకముందు సమూల మార్పులు రానున్నట్లే . కాగా ఇప్పటికే విదేశీ విద్యాసంస్థలు , దేశీయ అతిపెద్ద విద్యావ్యవస్థలు ఆన్లైన్ విధానానికి సిద్ధమయ్యాయి . భారత్ నుంచి ఏటా లక్షలాది మంది విదేశాల్లోని పలు వర్శిటీల్లో సీట్ల కోసం పోటెత్తేవారు . కాగా ఇప్పుడు భారత్ కు చెందిన విద్యార్ధుల్ని తమ ఆన్లైన్ విద్యావ్యవస్థల్లో భాగస్వామ్యం చేసేందుకు విదేశీ విశ్వవిద్యాలయాలు పెద్దెత్తున ప్రయత్నాలు చేస్తున్నాయి . వీరికనుగుణమైన రీతిలో ఫీజుల్ని నిర్దేశించి ఆకర్షిస్తున్నాయి .
0 Response to "New Education Systam new syllabus"
Post a Comment