AP TEACHERS TRANSFERS 2020

టీచర్ల బదిలీ ఖాయం

వారం రోజుల్లోగా ఉత్తర్వులు
కమిషనరేట్లో ప్రత్యేకంగా విభాగం
ఇప్పటికే ఖాళీలను గుర్తించిన డీఈఓలు
సర్దుబాటుపైనా స్పష్టత వచ్చే అవకాశం

• రాష్ట్రంలోని ప్రభుత్వ,జిల్లా, మండల పరిషత్ పాఠశాలల్లో ఉపాధ్యాయల బదిలీల అంశంపై విద్యాశాఖ చేపట్టిన కసరత్తు చివరిఅంకానికి చేరుకుంది.
• ఇప్పటికే జిల్లాలవారీగా డీఈఓలుఖాళీలతోపాటు లాంగ్ స్టాండింగ్ వివరాలను పాఠశాల విద్యాశాఖకు పంపించారు. ఉపాధ్యాయుల సర్దుబాటు విషయంలో డీఈఓలు పలు అనుమానాలను లేవనెత్తుతున్నారు. 
• ఈ నేపథ్యంలో బదిలీలు, సర్దుబాటుపై అనుమానాల నివృత్తి చేయడంతోపాటు అన్నింటిని ఆన్లైన్ చేసేందుకు విద్యాశాఖ కమిషనరేట్లో ప్రత్యేక విభాగాన్ని ఏర్పాటు చేశారు.
• పాఠశాల విద్య డైరెక్టర్ వాడ్రేవు చిన్నవీరభద్రుడుఆదేశాల మేరకు ఎన్‌సీఈఆర్‌టీ ఐటీ సెల్ కు చెందిన సీహెవీ రమేష్ కుమార్, డైరెక్టరేట్ లోని జూనియర్ అసిస్టెంట్ టీ శ్రీహరిని ఆ విభాగంలో నియమించారు.
• ఉపాధ్యాయ బదీలు, సర్దుబాటు ప్రక్రియ పూర్తయ్యేంత వరకు ఆవిభాగం పని చేస్తుందని చినవీరభద్రుడు అన్ని జిల్లాల డీఈఓలకు సర్క్యులర్స్ పంపించారు.
• ఖాళీలు, సర్దుబాటు పై ఏమైనా అనుమానాలు ఉంటే డీఈఓలు ప్రత్యేక సెల్ లోని సిబ్బందితో మాట్లాడి నివృత్తి చేసుకోవాలన్నారు.
• అలాగే బదిలీకి అర్హత ఉన్న ఉపాధ్యాయులలో ఎవరెవరు స్పౌజ్ అవకాశాన్ని ఉపయోగించు కున్నారు, టీచర్స్ ఏ గ్రేడ్ లో(HRA ఆధారంగా) ఉన్నారు, వారికి ఎన్ని పాయింట్లు వస్తాయోనన్న అంశాలపైనా ప్రత్యేకంగా కసరత్తు జరుగుతోంది.
• మరోవైపు డీఎస్సీ - 2018 SGT  అభ్యర్థులకు పోస్టింగ్స్ ఇచ్చేందుకు విద్యాశాఖ మంత్రి డాక్టర్ఆదిమూలపు సురేష్ మంగళవారం ప్రణాళికను విడుదల చేశారు.
• ఆ సమయంలోనే వారం రోజుల్లోగా ఉపాధ్యాయ బదిలీలపై ఉత్తర్వులు జారీ చేయనున్నట్లు వెల్లడించారు.
• డీఎస్సీ - 2018 అభ్యర్థులకు పోస్టింగ్స్ ఇస్తున్నందున తాజా బదిలీలలో ఎవరికీ అన్యాయం జరగదని తెలిపారు. ఉపాధ్యాయుల సర్దుబాటు పైనా స్పష్టత వస్తుందని పేర్కొన్నారు.
• మరోవైపు విద్యాశాఖ ఉపాధ్యాయుల సర్దుబాటుకు సంబంధించి ప్రాథమికంగా మార్గదర్శకాలను సిద్ధం చేసింది.
• అన్ని జిల్లాల డీఈఓలు, ఉపాధ్యాయ సంఘాలతో చర్చించిన అనంతరమే విద్యార్థి, ఉపాధ్యాయులు నిష్పత్తిని ఖరారు చేశారు. ప్రాథమిక పాఠశాలలో 60 మందిలోపు విద్యార్థులుంటే రెండు SGT టీచర్ పోస్టులు ఉంటాయని విద్యాశాఖ తెలిపింది.
• అలాగే 61 నుంచి 90 మంది ఉంటే ముగ్గురు, 91 నుంచి 120 మందికి నలుగురు, 121 నుంచి 150 మందికి ఐదు పోస్టులను మంజూరు చేయాలని ప్రాథమికంగా నిర్ణయించారు.
• విద్యార్థుల సంఖ్య 151 నుంచి 200 ఉన్న స్కూళ్లకు అదనంగా హెడ్ మాస్టర్ పోస్టును మంజూరు చేస్తారు.
• విద్యార్థుల సంఖ్య 200 పైన ఉన్న స్కూళ్లలో ప్రతి 40 మందికి ఒక SGT పోస్టును మంజూరు చేయాలని భావిస్తున్నారు. 
• జిల్లాల్లో మిగిలిన ఉపాధ్యాయులు అవసరమైన స్కూళ్లలో నియమిస్తారు.
• గతంలో నిర్వహించిన సర్దుబాటులో డీఈఓ పూల్ లో ఉన్న ఉపాధ్యాయులకు కూడా అవసరమైన స్కూళ్లకు బదిలీ చేస్తారు.
• విద్యార్థుల సంఖ్య 151 దాటితేనే  LFL
• హెచ్ఎం పోస్టు ఉంటుందని, ఆలోపు ఉన్న స్కూళ్లలో LFL HM ను SGT గా పరిగణించనున్నారు.
• ఉపాధ్యాయ బదిలీల మార్గదర్శకాలు వెలువడిన తర్వాతే వీటిపై తుది నిర్ణయం తీసుకునే అవకాశం ఉంది.
• ప్రాథమికోన్నత పాఠశాలల్లో వందలోపు విద్యార్థులుంటే నాలుగు సబ్జెక్ట్ ఉపాధ్యాయులను నియమించనుండగా,
• 140 దాటితే ఆరుగురు, 386-420 ఉంటే ప్రతి 35 మందికి ఒక స్కూల్ అసిస్టెంట్ పోస్టును అదనంగా ఇస్తారు
• ఉన్నత పాఠశాలల్లోనూ విద్యార్థుల సంఖ్య ఆధారంగా ఉపాధ్యాయ పోస్టులను ఉంచాలని విద్యాశాఖ భావిస్తోంది.
• హైస్కూళ్లలో 240 మంది విద్యార్థులుంటే నాలుగు పోస్టులు,280లోపుంటే ఐదు, 320కి ఆరు, 360కి ఏడు, 400 మంది విద్యార్థులుంటే ఎనిమిది ఉపాధ్యాయ పోస్టులు ఉంచేలా చర్యలు చేపడుతున్నారు.
• మూడు నెలల క్రితమే ఉపాధ్యాయుల బదిలీలు జరగాల్సి ఉండగా, కరోనా
• కారణంగా ప్రక్రియ వాయిదా పడుతూ వస్తోంది.
• మరోవైపు బదిలీల కటాఫ్ తేదీపైనా ఒక స్పష్టత ఇవ్వాలని  ఉపాధ్యాయ సంఘాలు కోరుతున్నాయి.

Share on FacebookPlus on Google+

SUBSCRIBE TO OUR NEWSLETTER