AP Teachers Transfers
టీచర్ల బదిలీలకు గ్రీన్ సిగ్నల్
నేడో, రేపో మార్గదర్శకాలు
ఒకే స్కూల్ లో రెండేళ్లు పూర్తి చేస్తే దరఖాస్తుకు అర్హులు
నెలాఖరుకు ప్రక్రియ పూర్తి
- ఉపాధ్యాయుల బదిలీలకు ప్రభుత్వం గ్రీన్ సిగ్నల్ ఇచ్చింది. అందుకు సంబంధించిన మార్గదర్శకాలు సోమ, మంగళవారాల్లో విడుదల కానున్నాయి.
- ఈ ఏడాది ఫిబ్రవరి 29 నాటికి ఒకే పాఠశాలలో రెండేళ్ల సర్వీసు పూర్తి చేసుకున్న ఉపాధ్యాయులంతా బదిలీకి దరఖాస్తు చేసుకొనేందుకు అర్హులేనని ప్రభుత్వం ప్రకటించింది.
- అదేవిధంగా ఒకే పాఠశాలలో ఐదు సంవత్సరాలు పూర్తిచేసిన గ్రేడ్-2 ప్రధానోపాధ్యాయులు, 8 సంవత్సరాలు పూర్తి చేసుకున్న సెకండరీ గ్రేడ్ టీచర్లు, స్కూలు అసిస్టెంట్లు తప్పనిసరిగా బదిలీకావాల్సిందే.
- వీటిని ఆన్లైన్ వెబ్ కౌన్సెలింగ్ విధానంలో నిర్వహిస్తారు. అన్నికేటగిరీల్లోని పాఠశాలల్లో ఖాళీలు సమానంగా ఉండేలా చర్యలు తీసుకుంటారు.
- ప్రతి స్కూల్ లోనూ కనీస సంఖ్యలో ఉపాధ్యాయులు ఉండేలా టీచర్ పోస్టులను సర్దుబాటు చేస్తారు.
- ప్రాథమిక, ఉన్నత పాఠశాలలకు ప్రాధాన్యం ఉపాధ్యాయుల కేటాయింపు, బదిలీల్లో ప్రాథమిక, ఉన్నత పాఠశాలలకే ప్రాధాన్యం ఇస్తున్నారు.
- విద్యార్థుల సంఖ్యతో సంబంధం లేకుండా ప్రతి స్కూల్లో ఇద్దరు ఉపాధ్యాయులను నియమించనున్నారు.
- పునర్విభజనలో తక్కువ మంది పిల్లలున్న యూపీ పాఠశాలల్లోని స్కూలు అసిస్టెంట్లను హైస్కూళ్లకు పంపి, వారి స్థానాల్లో సెంకడరీ గ్రేడ్ టీచర్లను నియమించే ఆలోచన చేస్తున్నారు.
- కొత్తగా అప్ గ్రేడ్ ఆయిన అన్ని జిల్లా పరిషత్ ఉన్నత పాఠశాలలకు ప్రతి సబ్జెక్టుకు కనీసం ఒక టీచర్ చొప్పున నియమించనున్నారు.
- ప్రాథమిక పాఠశాలల్లో ప్రతి 30 మందికి ఒక SGTని నియమిస్తారు.
- 60 మందికి ఇద్దరు, 61నుంచి 90 మంది వరకూ ముగ్గురు,అక్కడి నుంచి 120 వరకూ నలుగురు,
- 121 నుంచి 150 వరకూ ఐదుగురు, 151 నుంచి 200 మంది వరకూ ఐదుగురు SGT లు, ఒక LFL హెచ్ఎంను నియమిస్తారు.
- 150 మందిలోపు విద్యార్థులు ఉన్న పాఠశాలల్లో పనిచేస్తున్న LFL హెచ్ఎంలను SGT లుగానే పరిగణిస్తారు.
- హైస్కూళ్ళలో 240 మంది వరకూ సబ్జెక్టుకు ఒకరు చొప్పున హెచ్ఎంతోపాటు ఎనిమిది మందిని మాత్రమే నియమిస్తారు.
- టీచర్ల బదిలీల ప్రక్రియను ఈనెలాఖరుకు పూర్తి చేసే అవకాశం ఉందని అధికారులు చెప్తున్నారు.
0 Response to "AP Teachers Transfers "
Post a Comment