ICMR approval for corona 'paper test'.
కరోనా 'పేపర్ టెస్ట్'కు ఐసీఎంఆర్ అనుమతి.
కొవిడ్ టెస్ట్లను మరింత వేగవంతం చేసే ప్రక్రియలో భాగంగా.. మరో పరీక్షను అందుబాటులోకి తెచ్చింది భారత వైద్య పరిశోధన మండలి. యాంటీజెన్ తరహాలో స్వదేశీయంగా రూపొందించిన ఫెలుదా స్ట్రిప్ పరీక్షను కొవిడ్ ప్రయోగశాలల్లో నిర్వహించవచ్చని తెలిపింది.
కరోనాను గుర్తించేందుకు యాంటీజెన్ తరహాలో స్వదేశీయంగా తయారు చేసిన ఫెలుదా పేపర్ స్ట్రిప్ పరీక్షను కూడా ప్రభుత్వ, ప్రైవేటు ల్యాబోరేటరీలు నిర్వహించుకోవచ్చని భారత వైద్య పరిశోధనా మండలి(ఐసీఎంఆర్) స్పష్టంచేసింది. దిల్లీలోని కౌన్సిల్‌ ఆఫ్ సైంటిఫిక్‌ అండ్ ఇండస్ట్రీయల్‌ రీసెర్చ్‌ ఇన్స్టిట్యూట్ ఆఫ్ జెనోమిక్స్ అండ్ ఇంటిగ్రేటివ్ బయాలజీ పరిశోధకులు దీన్ని అభివృద్ది చేశారు.
కాగితం ద్వారా చేసే ఈ నూతన పరీక్ష విధానంతో గంటలోపే ఫలితాలను పొందవచ్చని ఐసీఎంఆర్ పేర్కొంది. వీటి ద్వారా పరీక్ష చేసుకుంటే మరోసారి ఆర్టీ-పీసీఆర్ టెస్ట్లకు వెళ్లాల్సిన అవసరం లేదని స్పష్టం చేసింది. ఈ పరీక్షను భారత ఔషధ నియంత్రణ మండలి అనుమతించిందని పేర్కొంది.
0 Response to "ICMR approval for corona 'paper test'."
Post a Comment