If these 17 marks are not on the Rs.2000 note then it is a counterfeit note
రూ.2000 నోటుపై ఈ 17 గుర్తులు లేకపోతే అది నకిలీ నోటే : RBI
మీ దగ్గర రూ.2000 నోటు ఉందా? అది ఒరిజినల్ నోటేనా? మీకు ఇలాంటి డౌట్ ఎప్పుడైనా వచ్చిందా? నకిలీ నోటును గుర్తుపట్టడం కష్టమే. ఈ 17 గుర్తులు లేకపోతే అనుమానించాల్సిందే..
అయితే రిజర్వ్ బ్యాంక్ ఆఫ్ ఇండియా-RBI ఒరిజినల్ రూ.2000 నోటును ఎలా గుర్తించాలో తమ వెబ్సైట్లో వివరించింది. 2016లో నోట్ల రద్దు తర్వాత రిజర్వ్ బ్యాంక్ ఆఫ్ ఇండియా-RBI రూ.2000 నోటును రిలీజ్ చేసింది. రూ.2000 కరెన్సీ నోటుపై 17 ముఖ్యమైన గుర్తులు ఉంటాయి. ఆ గుర్తుల్ని గమనిస్తే అది నకిలీ నోటా ఒరిజినల్ నోటా అన్న సంగతి తెలుస్తుంది. రూ.2000 కరెన్సీ నోటులో మహాత్మాగాంధీ బొమ్మ ఉన్నవైపు 12 గుర్తులు ఉంటాయి. వెనుకవైపు 5 గుర్తులు ఉంటాయి. ఆ 17 గుర్తుల్లో ఏ ఒక్కటి సరిగ్గా లేకపోయినా, కనిపించకపోయినా అనుమానించాల్సిందే.
మహాత్మాగాంధీ కొత్త సిరీస్లో భాగంగా రూ.2000 నోట్లను విడుదల చేసింది ఆర్బీఐ. ఈ కరెన్సీ నోటు సైజు 66mm x 166mm సైజులో ఉంటుంది. ఇకపై మీకు ఎప్పుడైనా రూ.2000 నోటుపై అనుమానం ఉంటే ఈ 17 గుర్తులను గమనించండి. వీటితో పాటు రూ.2000 నోటులో పలు చోట్ల 2000 నెంబర్ కూడా కనిపిస్తుంది. మరి రూ.2000 కరెన్సీ నోటుపై ఉండాల్సిన ఆ 17 గుర్తులు ఏంటో, అవి కరెన్సీ నోటుపై ఎక్కడెక్కడ ఉంటాయో తెలుసుకోండి.
మహాత్మాగాంధీ బొమ్మ ఉన్నవైపు 12 గుర్తులు ఉంటాయి.
- 1. ఎడమవైపు అడ్డంగా 2000 నెంబర్ కనిపిస్తుంది.
- 2. దాని పక్కనే 2000 నెంబర్ కనిపించకుండా ఉంటుంది. జాగ్రత్తగా గమనిస్తే కనిపిస్తుంది.
- 3. రెండో గుర్తు పైన అడ్డంగా దేవనాగరి లిపిలో ₹२००० అని కనిపిస్తుంది.
- 4. కరెన్సీ నోటు మధ్యలో మహాత్మాగాంధీ చిత్రం ఉంటుంది.
- 5. మహాత్మాగాంధీ చిత్రాన్ని జాగ్రత్తగా గమనిస్తే హిందీలో భారత్, ఇంగ్లీష్లో India అనే పదాలు కనిపిస్తాయి.
- 6. మహాత్మాగాంధీ చిత్రం పక్కన సెక్యూరిటీ త్రెడ్ ఉంటుంది. అందులో భారత్ అని హిందీలో, RBI, 2000 అని కనిపిస్తాయి. ఈ సెక్యూరిటీ త్రెడ్ గ్రీన్ నుంచి బ్లూ కలర్లోకి మారుతుంది.
- 7. సెక్యూరిటీ త్రెడ్ పక్కన ఆర్బీఐ గవర్నర్ సంతకం ఉంటుంది. సంతకం కింద ఆర్బీఐ ఎంబ్లమ్ ఉంటుంది.
- 8. ఆ పక్కన ఖాళీగా ఉన్నట్టు కనిపిస్తుంది. కానీ అందులో మహాత్మాగాంధీ చిత్రంతో పాటు 2000 నెంబర్ వాటర్మార్క్లాగా ఉంటుంది. కాస్త వెలుతురులో పెట్టి చూస్తే ఈ గుర్తులు కనిపిస్తాయి.
- 9. రూ.2000 నోటులో కుడివైపు కింద కరెన్సీ నోట్ సీరియల్ నెంబర్ ఉంటుంది. ఈ నెంబర్ సైజు చిన్న నుంచి పెద్దగా ఉంటుంది. ప్రతీ నోటుకు వేర్వేరు నెంబర్లు ఉంటాయి. ఒకే నెంబర్తో రెండు నోట్లు ఉండవు.
- 10. కరెన్సీ నోటు సీరియల్ నెంబర్ పైన రూపీ గుర్తు, 2000 నెంబర్తో ₹2000 కనిపిస్తుంది.
- 11. రూ.2000 నోటులో కుడివైపు కింద అశోక స్తంభం ఉంటుంది.
- 12. అంధులు కరెన్సీ నోటును గుర్తించేందుకు నల్లని లైన్స్ ఉంటాయి. ఈ లైన్స్ రెండువైపులా కనిపిస్తాయి.
మిగతా 5 గుర్తులు రూ.2000 నోటు వెనుకవైపు ఉంటాయి.
- 13. ఎడమవైపు కరెన్సీ నోటు ముద్రించిన సంవత్సరం ఉంటుంది.
- 14. తెల్లని స్పేస్ కింద స్వచ్ఛ్ భారత్ లోగో, నినాదం ఉంటాయి.
- 15. లాంగ్వేజ్ ప్యానెల్ ఉంటుంది. ఇందులో తెలుగు సహా 15 భాషల్లో రెండు వేల రూపాయలు అని రాసి ఉంటుంది.
- 16. మధ్యలో మంగళ్యాన్ చిత్రం ఉంటుంది.
- 17. ఎడమవైపు పైన దేవనాగరి లిపిలో ₹२००० అని కనిపిస్తుంది.
Source: Reserve Bank of India
0 Response to "If these 17 marks are not on the Rs.2000 note then it is a counterfeit note"
Post a Comment