Panchayithi Election Details
బ్యాలెట్ పేపర్‌పై.. గుర్తింపు మార్క్
పంచాయతీ ఎన్నికల్లో ఓటర్లకు ఇచ్చే ప్రతి బ్యాలెట్ పేపరుపై ఒక గుర్తింపు మార్కు ఉంటుంది. ఆ మార్కు ఆధారంగా మండలంలో అది ఏ గ్రామ పంచాయతీ, ఎన్నో వార్డుకు సంబంధించిన ఓటో సులువుగా తెలుసుకోవచ్చు.
ఓటింగ్ సమయంలో ఇచ్చే బ్యాలెట్ పేపరును మడిచిన అనంతరం వెనుకవైపున ఎన్నికల సిబ్బంది ఓ గుర్తింపు మార్కును వేస్తారు.
ఉన్నతాధికారుల ఆదేశాల మేరకు వరుస క్రమంలో ఒక్కో పంచాయతీకి ఒక నంబరును కేటాయిస్తారు.
బ్యాలెట్ పేపరు వెనుకవేసే గుర్తింపు మార్కులో గ్రామ పంచాయతీ వరుస సంఖ్యను లవంగాను, పంచాయతీ వార్డు/పోలింగ్ స్టేషన్ సంఖ్యను హారంగాను వేస్తారు.
ఉదాహరణకు పంచాయతీ నంబరు
1, వార్డు సంఖ్య 12 అయితే 1/12 అని వేస్తారన్నమాట.
తద్వారా మండలంలో ఆ ఓటు ఏ గ్రామంలో ఎన్నో వార్డుకు చెందినదో ఎన్నికల అధికారులు వెంటనే గుర్తించగలుగుతారు.
ఒక్కో వార్డులో ఓటరుల సంఖ్య ఎక్కువగా ఉంటే ఆ వార్డును రెండు లేదా మూడు పోలింగ్ కేంద్రాలు ఏర్పాటు చేస్తారు. ఆయా సందర్భాల్లో పోలింగ్ కేంద్రాలను గుర్తించేందుకు ABC సూచిస్తారు.
సర్పంచ్ ఫలితం
- పోలింగ్ లో సర్పంచ్ ఎన్నికకు పింక్ కలర్, వార్డు సభ్యుని ఎన్నికకు
- తెలుపురంగు బ్యాలెట్ పేపర్లను వినియోగిస్తున్నారు.
- అయితే ఓటరు ఈ రెండింటి పైనా ఓటు వేసిన అనంతరం వాటిని ఒకే బాక్సులో వేస్తారు. ఎన్నికల ప్రక్రియ పూర్తయిన ఆనంతరం నిర్దేశించిన ప్రదేశంలో కౌంటింగ్ ప్రక్రియను ప్రారంభిస్తారు.
- బ్యాలెట్ బాక్సుల్లోను అన్ని బ్యాలెట్ పత్రాలను ముందు బయటకు తీస్తారు. సర్పంచ్ వార్డు సభ్యుల బ్యాలెట్లను విడదీయాలి.
- 25 బ్యాలెట్ పేపర్లను ఒక కట్టగా కట్టాలి.
- తొలుత వార్డు సభ్యులకు సంబంధించిన ఓట్లను లెక్కించి ఆయా వార్డుల విజేతలను ప్రకటిస్తారు.
- అనంతరం సర్పంచ్ స్థానానికి వచ్చిన బ్యాలెట్ పత్రాలను పెద్ద డ్రమ్ములో వేసి కలియబెట్టాలి. ఏ వార్డులో సర్పంచ్ స్థానానికి ఎన్నేసి ఓట్లు పడ్డాయో తెలియకుండా ఉండడం కోసం అలా చేస్తారు.
- 25 చొప్పున కట్టిన బ్యాలెట్ పేపర్లను కౌంటింగ్ సూపర్‌వైజర్లకు అందించి లెక్కింపును
- ప్రారంభిస్తారు. తర్వాత సర్పంచ్ విజేతను ప్రకటిస్తారు.
0 Response to "Panchayithi Election Details"
Post a Comment