If two dosas take different vaccines.
రెండు దోసులు వేరువేరు వ్యాక్సిన్లు తీసుకుంటే.
ఆక్స్‌ఫర్డ్‌ వర్సిటీ అధ్యయనం
లండన్‌, ఏప్రిల్‌ 14 : మొదటి డోసు ఒక కరోనా వ్యాక్సిన్‌.. రెండో డోసు మరో టీకా తీసుకోవచ్చా ? ఒకవేళ తీసుకుంటే ఏమవుతుంది ? రోగ నిరోధక ప్రతిస్పందన ఉంటుందా ? అనే ప్రశ్నలకు సమాధానాలు వెతుకుతూ బ్రిటన్‌లోని ఆక్స్‌ఫర్డ్‌ యూనివర్సిటీ పరిశోధనలు చేస్తోంది. కాంబినేషన్‌ ఆఫ్‌ కొవిడ్‌ వ్యాక్సిన్స్‌ (కామ్‌ - కావ్‌) పేరిట నిర్వహిస్తున్న ఈ ప్రయోగ పరీక్షలను ఫిబ్రవరిలోనే ప్రారంభించారు. ఇందులో భాగంగా ఫైజర్‌, ఆక్స్‌ఫర్డ్‌ వ్యాక్సిన్లు చెరో డోసు అందించే వారిలో వస్తున్న ఆరోగ్య మార్పులను, రోగ నిరోధక ప్రతిస్పందనలను నమోదు చేసి శాస్త్రవేత్తలు విశ్లేషిస్తున్నారు. ఈ అధ్యయనాన్ని విస్తరించే క్రమంలో భాగంగా మరో 1,050 మంది వలంటీర్లను భర్తీ చేసుకునేందుకు ఏర్పాట్లు జరుగుతున్నాయి.
మోడెర్నా, నోవావ్యాక్స్‌ కరోనా వ్యాక్సిన్లను చెరో డోసు అందిస్తే ఎలాంటి ఫలితాలొస్తాయి ? అనేది తెలుసుకోవడమే లక్ష్యంగా కొత్త వలంటీర్లపై ప్రయోగాలు చేయనున్నట్లు ట్రయల్స్‌కు చీఫ్‌ ఇన్వెస్టిగేటర్‌గా వ్యవహరిస్తున్న మ్యాథ్యూ స్నేప్‌ వెల్లడించారు. వేర్వేరు రకాల టీకాల డోసులు వేసుకునేందుకు మార్గం సుగమమైతే వ్యాక్సిన్ల కొరతకు చెక్‌ పడుతుందని ఆయన ఆశాభావం వ్యక్తంచేశారు.
0 Response to "If two dosas take different vaccines. "
Post a Comment