How to find out which number is linked to Aadhaar.
ఆధార్ కి ఏ నంబర్ లింక్ చేశారో తెలుసుకొనే విధానం.
ఆధార్ నెంబర్‌కు మొబైల్ నెంబర్ లింక్ చేయడం అనేది తప్పనిసరి అయిపోయింది . అంతేకాదు అథెంటికేషన్ కూడా సులువు అవుతోంది . అంటే ఎక్కడైనా మీ ఆధార్ నెంబర్‌ను ఉపయోగించినప్పుడు , ఆధార్ లింక్ అయిన మొబైల్ నెంబర్ కు ఓటీపీ వస్తుందన్నమాట . దీని ద్వారా ఆధార్ నెంబర్‌ను ఇతరులు దుర్వినియోగం చేయకుండా అడ్డుకోవచ్చు . అయితే ఆధార్ కార్డు కోసం దరఖాస్తు చేసిన సమయంలో ఏ మొబైల్ నెంబర్ ఇచ్చాం అన్న సంగతి చాలామందికి గుర్తుండదు . ఒకరి దగ్గరే రెండు మూడు ఫోన్ నెంబర్లు ఉండటం లేదా ఫోన్ నెంబర్లు మార్చి కొత్తవి తీసుకోవడం వల్ల ఈ సమస్య వస్తుంది . దీంతో ఓటీపీ విషయంలో తిప్పలు తప్పవు . అసలు ఏ నెంబర్ కు ఓటీపీ వెళ్తుందో కూడా కొన్ని సందర్భాల్లో తెలియని పరిస్థితి . మరి ఆధార్ కార్డుకు ఏ ఫోన్ నెంబర్ లింక్ అయిందన్న విషయం తెలుసుకోవడం ఎలా అయితే అలాంటి వారికి చాలా సులువుగా తెలుసుకునే ఫెసిలిటీ వచ్చేసింది .
ఆధార్ లింక్ అయిన మొబైల్ నెంబర్ తెలుసుకొను విధానం.
- మొట్టమొదట వెబ్ సైట్ కి వెళ్లాలి .
- తొలుత యూనిక్ ఐడెంటిఫికేషన్ అథారిటీ ఆఫ్ ఇండియా UIDAI అధికారిక వెబ్ సైట్ https://uidai.gov.in/ ఓపెన్ చేయాలి .
- వెబ్ సైట్ ఓపెన్ అయిన తర్వాత My Aadhaar సెక్షన్ లో Aadhaar Services లో Verify Email / Mobile Number ఆప్సన్ సెలెక్ట్ చేయాల్సి ఉంటుంది .
- అప్పుడు మీకు కొత్త విండో ఓపెన్ అవుతుంది .
- అందులో ఆధార్ నెంబర్ , మొబైల్ నెంబర్ ఎంటర్ చేయాలి .
- ఆ తర్వాత క్యాప్చా కోడ్ ఎంటర్ చేయాలి
- చేసిన తర్వాత Send OTP పై క్లిక్ చేయాలి .
- మీరు సరైన మొబైల్ నెంబర్ ఎంటర్ చేస్తే The Mobile Number XXXXXXXXXX matches with our records అని వస్తుంది .
- మీరు ఆధార్ నెంబర్ కు లింక్ లేని మొబైల్ నెంబర్ ఎంటర్ చేస్తే The Mobile number you had entered does not match with our recordse ని వస్తుంది .
- ఇలా వచ్చినప్పుడు మీరు మరో నెంబర్ తో ప్రయత్నించాలి .
0 Response to "How to find out which number is linked to Aadhaar."
Post a Comment