Center warns states against counterfeit vaccines
నకిలీ టీకాలపై రాష్ట్రాలకు కేంద్రం హెచ్చరిక .వాటిని ఎలా గుర్తించాలో వివరణ.
న్యూఢిల్లీ: దేశంలో కరోనా వ్యాక్సినేషన్‌ ఊపందుకోవడంతో నకిలీ టీకాలపై అప్రమత్తంగా ఉండాలని రాష్ట్రాలను కేంద్రం హెచ్చరించింది. నకిలీ టీకాలను ఎలా గుర్తించాలో అన్నది వివరించింది.
ఈ పరిస్థితుల నేపథ్యంలో దేశంలో వినియోగిస్తున్న కోవిడ్ వ్యాక్సిన్‌ల ప్రామాణికతను గుర్తించేందుకు అనుసరించాల్సిన విధానాల జాబితాను రాష్ట్రాలకు కేంద్రం శనివారం జారీ చేసింది. వ్యాక్సిన్ నకిలీదా లేదా అసలైనదా అని గుర్తించడానికి ఈ పారామితులు సహాయపడతాయని రాష్ట్ర ప్రభుత్వాలకు రాసిన లేఖలో కేంద్ర ఆరోగ్య మంత్రిత్వ శాఖ పేర్కొంది. ప్రస్తుతం భారత మార్కెట్‌లో వాడుతున్న మూడు టీకాలు- కోవిషీల్డ్, కోవాక్సిన్, స్పుత్నిక్ వీ తయారీ కంపెనీల సమాచారంతో వ్యాక్సిన్ నకిలీదా లేదా అసలైనదా అని గుర్తించేందుకు సహాయపడే పారామితులను తయారు చేసినట్లు తెలిపింది. టీకా తయారీదారులు ఉపయోగించే లేబుల్, రంగు, ఇతర వివరాలను కూడా రాష్ట్రాలకు పంపిన నోట్‌లో వెల్లడించింది.
కాగా, దేశంలో ఈ ఏడాది జనవరి నుంచి వ్యాక్సినేషన్‌ కార్యక్రమం ప్రారంభం కాగా, ఇప్పటి వరకు 68 కోట్ల మంది ప్రజలు కరోనా టీకా పొందినట్లు ప్రభుత్వ గణాంకాల ద్వారా తెలుస్తున్నది.
0 Response to "Center warns states against counterfeit vaccines"
Post a Comment