To the birth mother. Right to decide child's surname : Supreme Court
జన్మనిచ్చిన తల్లికి . పిల్లల ఇంటిపేరు నిర్ణయించే హక్కు ఉంటుంది : సుప్రీంకోర్టు
న్యూఢిల్లీ: సుప్రీంకోర్టు ఈ రోజు ఓ కీలక విషయాలపై స్పష్టత ఇచ్చింది. తండ్రి చనిపోయిన తర్వాత పిల్లలకు సహజ సంరక్షకురాలు తల్లి మాత్రమే అని, కాబట్టి, ఆ సందర్భంలో పిల్లల ఇంటి పేరు నిర్ణయించే హక్కు ఆమెకు ఉంటుందని వివరించింది.
ఈ కేసులు ఓ తల్లికి.. ఆమె మాజీ అత్తమామలకు సంబంధించింది. ఆ మహిళ తల్లి అయిన తర్వాత భర్త మరణించాడు. అనంతరం, ఆమె మరో వ్యక్తిని పెళ్లి చేసుకుంది. ఆ తర్వాత మొదటి భర్తతో కలిగిన సంతానాన్ని కూడా తన రెండో భర్త కుటుంబంతో కలిపేసుకుంది. ఆ సంతానానికి తన రెండో భర్త ఇంటి పేరునే పెట్టాలని తల్లి నిర్ణయించింది. కానీ, ఆమె మొదటి భర్త తల్లిదండ్రులు మాత్రం అభ్యంతరం తెలిపారు. మరణించిన తమ కొడుకు సంతానానికి ఆమె రెండో భర్త ఇంటి పేరు పెట్టడాన్ని తాము అంగీకరించబోమని వాదిస్తున్నారు. ఈ కేసు తొలుత ఆంధ్రప్రదేశ్ హైకోర్టులో విచారణ జరిగింది. ఇందులో తన రెండో భర్త పేరును సవతి తండ్రిగా రికార్డుల్లో ఎక్కించాలని ఆదేశించింది.
అయితే, ఈ ఆదేశాలను సుప్రీంకోర్టు తప్పుపట్టింది. ఆ చిన్నారికి బయలాజికల్ ఫాదర్ లేడు.. కానీ, బయలాజికల్ మదర్ ఉన్నది. అంటే.. ఆ చిన్నారికి ఇంటిపేరు నిర్ణయించే హక్కు, దత్తతకు ఇచ్చే హక్కు చిన్నారి బయలాజికల్ మదర్కే ఉంటుందని సుప్రీంకోర్టు తెలిపింది. జస్టిస్ దినేశ్ మహేశ్వరి, జస్టిస్ క్రిష్ణ మురారిల ధర్మాసనం ఈ మేరకు స్పష్టం చేసింది. కోర్టు ఈ విషయాలపై జోక్యం చేసుకోవచ్చునని, కానీ, ఆ బాలుడి భవిష్యత్ కంటే మరే కారణాలు పరిగణనలోకి తీసుకోవాల్సిన ఎక్కువ ప్రాధాన్యమున్నవి కావని వివరించింది.
ఆ తల్లి రెండో పెళ్లి చేసుకుని తన మొదటి కొడుకును రెండో భర్తకు దత్తత ఇచ్చిందని, తద్వారా ఆ చిన్నారి తన తండ్రి కుటుంబ బాధ్యతలు, హక్కులు కోల్పోయి.. రెండో తండ్రి కుటుంబ బాధ్యతలు, హక్కులు పొందుతాడని బెంచ్ వివరించింది. ఆ చిన్నారి ఇంటిపేరును నిర్ణయించే అధికారం ఏకైక సహజ సంరక్షకురాలైనా తల్లికే ఉంటుందని తెలిపింది.
ఇంటి పేరు వేరుగా పెడితే.. తన రెండో కుటుంబంలోనూ ఆ చిన్నారి వేరుగా ఉంచినట్టు అవుతుందని, అది వారి పెరుగుదలపై ప్రతికూల ప్రభావం వేస్తాయని బెంచ్ తెలిపింది.
0 Response to "To the birth mother. Right to decide child's surname : Supreme Court"
Post a Comment