YSR Village Health Clinics Notification
YSR Village Health Clinics Notification : నిరుద్యోగులకు గుడ్ న్యూస్ , క్లినిక్ లలో 1681 విలేజ్ హెల్త్ పోస్టుల భర్తీకి ఏపీ సర్కార్ గ్రీన్ సిగ్నల్.
YSR Village Health Clinics Notification : నిరుద్యోగులకు ఏపీప్రభుత్వం గుడ్ న్యూస్ చెప్పింది. వైఎస్సార్ విలేజ్ హెల్త్ క్లినిక్లలో 1,681 పోస్టుల భర్తీకి గ్రీన్ సిగ్నల్ ఇచ్చింది.
దరఖాస్తు ఇలా
వైఎస్సార్ విలేజ్ హెల్త్ క్లినిక్ లలో ఇప్పటికే 8,351 పోస్టుల భర్తీ చేశారు. మిగిలిన పోస్టులకు నోటిఫికేషన్ తాజాగా వైద్య ఆరోగ్యశాఖ నోటిఫికేషన్ ఇచ్చింది. ఈ పోస్టులకు ఆగస్టు 9 నుంచి 22వ తేదీ వరకు దరఖాస్తులు స్వీకరించనున్నట్టు అధికారులు తెలిపారు. hmfw.ap.gov.in లేదా cfw.ap.nic.in వెబ్ సైట్ల ద్వారా దరఖాస్తు చేసుకోవాలని సూచించారు. ఈ నెల 24 నుంచి 30వ తేదీ వరకు ఈ పోస్టులకు హాల్ టికెట్లు జారీచేయనున్నారు. సెప్టెంబర్ మొదటి వారంలో ఆన్ లైన్ విధానంలో పరీక్ష నిర్వహించనున్నారు. పరీక్ష నిర్వహణ తేదీని హాల్ టికెట్లలో తెలియజేస్తారు. ఈ పరీక్షలో వచ్చిన మెరిట్ ఆధారంగా హెల్త్ ప్రొవైడర్ లను ఎంపిక చేయనున్నారు.
అర్హతలు
ఈ పోస్టులకు దరఖాస్తు చేసుకునే అభ్యర్థులు ఆంధ్రప్రదేశ్ నర్సింగ్ కౌన్సిల్ గుర్తింపు పొందిన విశ్వవిద్యాలయంలో బీఎస్సీ నర్సింగ్ పూర్తి చేసి ఉండాలి. సర్టిఫికెట్ ప్రోగ్రామ్ ఫర్ కమ్యూనిటీ హెల్త్ కోర్సుతో బీఎస్సీ పూర్తి చేయాలి. జనరల్ కేటగిరీ అభ్యర్థులకు 18 నుంచి 35 ఏళ్ల లోపు వయసు ఉండాలి. బీసీ, ఎస్సీ, ఎస్టీ, వికలాంగులకు ఐదేళ్లు, ఎక్స్ సర్వీస్మెన్కు 10 ఏళ్లు మినహాయింపు ఇచ్చింది. బీఎస్సీ నర్సింగ్ సిలబస్ ప్రశ్నలు ఇస్తారు. 200 ప్రశ్నలు మల్టిపుల్ ఛాయిస్ విధానంలో పరీక్ష నిర్వహిస్తారు. ప్రతి ప్రశ్నకు ఒక మార్కు చొప్పున 200 మార్కులకు పరీక్ష ఉంటుందని నోటిఫికేషన్ లో తెలిపారు. మూడు గంటల పాటు పరీక్షను నిర్వహించనున్నారు.
0 Response to "YSR Village Health Clinics Notification"
Post a Comment