Jobs In Postal
Jobs In Postal : టెన్త్ , ఇంటర్ పాస్ అయ్యారా . పోస్టల్ లో ఈ ఉద్యోగాలు మీ కోసం .
పోస్ట్ ఆఫీస్ ఉద్యోగాలు కోరుకునేవారికి గుడ్ న్యూస్.
ఇండియా పోస్ట్ మరో జాబ్ నోటిఫికేషన్ విడుదల చేసింది. ఈ నోటిఫికేషన్ ద్వారా 188 పోస్టుల్ని భర్తీ చేయనున్నారు. పోస్టల్ అసిస్టెంట్, సార్టింగ్ అసిస్టెంట్, పోస్ట్‌మ్యాన్, మెయిల్ గార్డ్, మల్టీ టాస్కింగ్ స్టాఫ్ లాంటి పోస్ట్ ఆఫీస్ ఉద్యోగాలు ఈ నోటిఫికేషన్లో ఉన్నాయి.
ఇవి స్పోర్ట్స్ కోటాలో భర్తీ చేస్తున్న పోస్టులు. టెన్త్, ఇంటర్ పాస్ కావడంతో పాటు ఆయా క్రీడల్లో రాణించిన క్రీడాకారులు మాత్రమే ఈ పోస్టులకు దరఖాస్తు చేయాలి. ఈ ఉద్యోగాలకు దరఖాస్తు ప్రక్రియ కొనసాగుతోంది.
అప్లై చేయడానికి చివరి తేదీ నవంబర్ 22, 2022గా నిర్ణయించారు. విభాగాల వారీగా పోస్టులు ఇలా ఉన్నాయి. మొత్తం ఖాళీలు 188లో.. పోస్టల్ అసిస్టెంట్, సార్టింగ్ అసిస్టెంట్71, పోస్ట్‌మ్యాన్, మెయిల్ గార్డ్ 56, మల్టీ టాస్కింగ్ స్టాఫ్ 61 పోస్టులు ఖాళీగా ఉన్నాయి. మల్టీ టాస్కింగ్ స్టాఫ్ పోస్టులకు దరఖాస్తు చేసుకునే అభ్యర్థులు 10వ తరగతి పూర్తి చేసి ఉండాలి.
పోస్టల్ అసిస్టెంట్, సార్టింగ్ అసిస్టెంట్, పోస్ట్‌మ్యాన్, మెయిల్ గార్డ్ పోస్టులకు 12వ తరగతి లేదా తత్సమాన పరీక్ష ఉత్తీర్ణత సాధించి ఉండాలి.
మల్టీ టాస్కింగ్ స్టాఫ్ పోస్టులకు దరఖాస్తు చేసుకునే అభ్యర్థుల యొక్క వయస్సు 18 నుంచి 25 ఏళ్ల మధ్య ఉండాలి. పోస్టల్ అసిస్టెంట్, సార్టింగ్ అసిస్టెంట్, పోస్ట్‌మ్యాన్, మెయిల్ గార్డ్ పోస్టులకు 18 నుంచి 27 ఏళ్లు పూర్తి చేసి ఉండాలి.
రిజర్వేషన్ అభ్యర్థులకు వయోపరిమితిలో సడలింపు ఉంటుంది. ఎంపికైన అభ్యర్థులకు నెలకు రూ.18 వేల నుంచి రూ.81,100 వరకు చెల్లించనున్నారు. పోస్టల్ అసిస్టెంట్, సార్టింగ్ అసిస్టెంట్ పోస్టులకు రూ.25,500 వేతనం లభిస్తుంది.
పోస్ట్‌మ్యాన్, మెయిల్ గార్డ్ పోస్టులకు రూ.21,700, మల్టీ టాస్కింగ్ స్టాఫ్ పోస్టులకు రూ.18,000 బేసిక్ వేతనంతో మొత్తం 56,900 వేతనం లభిస్తుంది. వీటితో పాటు.. అలవెన్సెస్ కూడా ఉంటాయి. అభ్యర్థులు అధికారిక వెబ్ సైట్ ను https://dopsportsrecruitment.in/ సందర్శించి ఆన్ లైన్ లో దరఖాస్తు చేసుకోవచ్చు.
0 Response to "Jobs In Postal"
Post a Comment