What precautions should be followed for safe internet usage?
సురక్షిత ఇంటర్ నెట్ వినియోగం కోసం ఎలాంటి జాగ్రత్తలు పాటించాలి.?
ఇంటర్నెట్ వినియోగం అగ్గిలాంటిది. దీని ద్వారా ఇంట్లో దీపం వెలుగించవచ్చు.. ఇంటిని దహనం చేయవచ్చు. ఇవి రెండూ ఇంటర్నెట్ ను మనం వాడడాన్నిబట్టి ఆధారపడి ఉంటుంది. సురక్షిత ఇంటర్నెట్ వినియోగంతోపాటు దుష్ప్రభావాలను నివారించడం కోసం సురక్షితమైన ఆన్లైన్ సేవలపై అవగాహన కల్పించేందుకు యునిసెఫ్ శ్రీకారం చుట్టింది.
ఈ రోజుల్లో ఇంటర్నెట్ను దాదాపు ప్రతి వయస్సులవాళ్లు, అన్ని వర్గాల ప్రజలు ఉపయోగిస్తున్నారు. పిల్లలు - యువత చదువులు ,వృత్తి కోసం ఇంటర్నెట్ని ఉపయోగిస్తున్నారు. UNICEF నివేదిక ప్రకారం, ప్రపంచవ్యాప్తంగా ఇంటర్నెట్ వినియోగంలో పాల్గొంటున్న వినియోగదారులలో మూడింట ఒకవంతు మంది పిల్లలు ఉన్నారు.
ప్రపంచవ్యాప్తంగా మిలియన్ల మంది పిల్లలు వినోదం, విద్య ,వృత్తి కోసం ఇంటర్నెట్ను ఉపయోగిస్తున్నారు. అయితే, ఇంటర్నెట్ను అధికంగా ఉపయోగించడం,సరిగ్గా ఉపయోగించకపోవడం వారి మానసిక , శారీరక అభివృద్ధికి ఆటంకం కలిగిస్తుంది.
ఆన్లైన్లో సురక్షితంగా ఉండటానికి యునిసెఫ్ స్టే సేఫ్ ఆన్లైన్ ప్రచారాన్ని అమలు చేస్తోంది. ఈ ప్రచారం కింద, ఇంటర్నెట్ వినియోగదారులకు సందేహం ఉంటే, నిజమైన స్నేహితుడిని సంప్రదించండి, పెద్దలతో మాట్లాడండి లేదా చైల్డ్ లైన్కు కాల్ చేయండి.
ఇంటర్నెట్లో సురక్షితంగా ఉండడం ఎలా?
యునిసెఫ్ ప్రకారం, ఇంటర్నెట్లో సురక్షితంగా ఉండటానికి, వినియోగదారులు దానిని సురక్షితమైన ప్రదేశంగా మార్చుకోవాలి. ఈ ప్రక్రియలో కొన్ని దశలు ఉన్నాయి.
సానుకూలత-ప్రమోషన్
ఇంటర్నెట్ ఉపయోగిస్తున్నప్పుడు సానుకూల సందేశాలను ఇవ్వండి. సోషల్ మీడియాలో ఎవరితోనైనా ఇంటరాక్ట్ అయితే, స్మైలీ లేదా హై ఫైవ్ని పంపడం ద్వారా మీ భాగస్వామికి మద్దతు ఇవ్వండి.
ఆన్లైన్ భద్రత గురించి ప్రచారం చేయండి. ఇంటర్నెట్ సురక్షిత వినియోగం గురించి మీ స్నేహితులకు చెప్పండి సేఫ్ ఇంటర్నెట్ వినియోగానికి సంబంధించిన వీడియోలను షేర్ చేయండి.
గోప్యత.
మీరు ఇంటర్నెట్ని ఉపయోగిస్తుంటే, మీ సెట్టింగ్లు, పాస్వర్డ్ను తనిఖీ చేయండి. కట్టుదిట్టమైన పాస్ వర్డ్ ను ఎంచుకొండి.
మీరు మీ పాస్వర్డ్ని స్నేహితుడితో పంచుకున్నారా?
మీ పాస్వర్డ్ 12345 లేదా అలాంటి సులభమైన పాస్ వర్డ్స్ కాకుండా కొంచెం స్ట్రాంగ్ గా ఉండే పాస్ వర్డ్ ను ఎంచుకోండి.
పుకార్లకు దూరంగా ఉండండి.
ఇంటర్నెట్ను ఉపయోగిస్తున్నప్పుడు, పుకార్లను వ్యాప్తి చేయవద్దు. లేదా పుకార్లను నమ్మవద్దు. బాధ కలిగించే లేదా ఇబ్బంది కలిగించే కథనాలు, ఫోటోలను షేర్ చేయవద్దు. ఒకరకమైన అభ్యంతరకరమైన జోక్ మరొకరికి షేర్ చేయవద్దు.
అపరిచితులను గుర్తించండి.
ఒక సామాజిక సైట్లో తెలియని వ్యక్తి నుంచి స్నేహితుని అభ్యర్థన వస్తే, దానిని అంగీకరించే ముందు వారి ప్రొఫైల్ను తనిఖీ చేయండి. అది ఎవరో తెలుసుకోవడానికి ప్రయత్నించండి. కొన్నిసార్లు వ్యక్తులు నటిస్తారు. అందుకే వారిని నమ్మడం కష్టం. వెంటనే నమ్మవద్దు, ముందుగా వారిని గురించి తెలుసుకోండి.
సమాచారం ఇవ్వవద్దు.
స్నేహితుని అభ్యర్థనను అంగీకరించే ముందు, మీ ఇద్దరికీ ఉమ్మడి స్నేహితులు ఉన్నారో లేదో తనిఖీ చేయండి. మీ నగరానికి చెందినవారా ? మీ స్నేహితుల జాబితాకు అపరిచితుడిని జోడించడానికి మీరు ఒత్తిడికి గురవుతుంటే, ముందుగా మీ గోప్యతా సెట్టింగ్లను తనిఖీ చేయండి. తద్వారా మీకు తెలియని వ్యక్తులు మీ సమాచారం ఏదీ చూడకుండా సెట్టింగ్ చేయండి. స్నేహం తర్వాత కూడా ప్రతి సమాచారాన్ని ఇంటర్నెట్ ద్వారా పంచుకోకూడదు. వెబ్సైట్లో పాప్ అప్ అయ్యే నోటిఫికేషన్లో మీ సమాచారాన్ని షేర్ చేయవద్దు.
గోప్యత హక్కు.
ప్రతి ఒక్కరికి గోప్యత హక్కు ఉంది. మీకు ఈ హక్కు ఉంటే, ఇతరులకు కూడా ఈ హక్కు ఉందని గుర్తుంచుకోండి. కాబట్టి ఇతరుల సోషల్ మీడియా ఖాతాకు లాగిన్ అవ్వడానికి లేదా అనుమతి లేకుండా వారి ఫోన్ని ఉపయోగించడానికి ప్రయత్నించవద్దు.
రిపోర్ట్ కొట్టండి.
మీకు ఇబ్బంది కలిగించే లేదా బాధించే ఏదైనా సోషల్ మీడియాలో కనిపిస్తే, మీరు దానిని రిపోర్ట్ చేయవచ్చు. కమ్యూనిటీ ప్రమాణాలకు విరుద్ధంగా ఉన్నందుకు నిర్దిష్ట పోస్ట్ లేదా ఫోటోను రిపోర్ట్ కొట్టవచ్చు. సోషల్ మీడియా ప్లాట్ఫామ్లు మీకు బ్లాక్ చేసే ఎంపికను కూడా అందిస్తాయి. మీరు చూడకూడదనుకునే కంటెంట్, వ్యక్తులు లేదా సందేశాలను బ్లాక్ చేయవచ్చు. ఇలా చేయడంద్వారా కొంతమేరకు సురక్షితంగా ఇంటర్ నెట్ ను వినియోగించవచ్చు.
0 Response to "What precautions should be followed for safe internet usage?"
Post a Comment