Avoid insomnia problem
నిద్రలేమి సమస్యను నివారించండి.
నేటి ఉరుకుల, పరుకుల జీవితంలో ప్రతి ఒక్కరూ ఒత్తిడికి గురికావడం సర్వసాధారణం అయిపొయింది. ఈ ఒత్తిడి కారణంగా చాలా మంది నిద్రలేమి సమస్యతో బాధపడుతున్నారు. రోజంతా పని చేసిన తర్వాత శరీరం అలసిపోతుంది. అదే సమయంలో, ప్రజలు అలసట తర్వాత పడుకున్నప్పుడు, వారు కంటి నిండా నిద్రపోలేకపోతున్నారు.
అందరూ నిద్రపోవాలని కోరుకుంటారు, కానీ వారి మనస్సులో వచ్చే ఆలోచనల కారణంగా, వారికి నిద్ర రాదు. ప్రజలు అర్థరాత్రి వరకు మేల్కొని ఉంటూ ఫోన్ చూస్తూ ఎక్కువగా గడుపుతున్నారు. నిద్ర లేకపోవడం వల్ల అలసట, గందరగోళం, కళ్లనొప్పి, అనేక శారీరక ,మానసిక సమస్యలు వస్తాయి. అయితే ప్రతి ఒక్కరూ ఎనిమిది గంటల నిద్ర తప్పనిసరిగా పోవాలంటున్నారు వైద్య నిపుణులు.
ఆలోచనల వల్ల నిద్రలేమి ఎవరికైనా సంభవించవచ్చు. సహజంగానే మనసులో ఎన్నో రకాల ఆలోచనలు వస్తాయి. అయితే ఒత్తిడి, నిద్రలేమి మాత్రమే సమస్యలు కాదు. కొంతమంది ఆందోళన, ఒత్తిడి సమయంలో చాలా మంది ప్రజలు పడుకున్న వెంటనే నిద్రలోకి జారుకుంటారు. కానీ ఎక్కువసేపు నిద్రపోలేరు. ఈ పరిస్థితి ప్రమాదకరం. అటువంటి పరిస్థితిలో ఒకవేళ నిద్ర పట్టినా సడెన్ గా మేల్కొంటారు.
నిద్రలేమికి-ఆలోచనలకు కారణాలు
ఒత్తిడి, ఆందోళన కారణంగా, మనస్సు మరింత చైతన్యవంతంగా మారుతుంది. ఈ పరిస్థితి మీ చుట్టూ ఉన్న వాతావరణం ప్రశాంతంగా ఉన్నప్పుడు, అంటే రాత్రి సమయంలో ఎక్కువగా సంభవిస్తుంది. ఇది ఎవరికైనా సంభవించవచ్చు, కానీ విపరీతమైన ఆలోచనలు ఆందోళన రుగ్మతలు ఉన్న వ్యక్తులకు మాత్రమే సమస్యగా భావించ బడుతున్నాయి, ప్రియమైన వ్యక్తి మరణం, ఉద్యోగం కోల్పోవడం, విడాకులు లేదా కుటుంబ సమస్యలు, బదిలీ లేదా మరణం మొదలైన కారణాల వల్ల ఒత్తిడి పెరగవచ్చు.
నిద్రలేమికి, ఒత్తిడికి నివారణలు
నిద్రలేమి సమస్యను అధిగమించడానికి, ఒత్తిడి, ఆలోచనలను నియంత్రించాల్సిన అవసరం ఉంది. దీని కోసం రోజులో కొంత సమయం కేటాయించండి. ప్రతిరోజూ నిర్ణీత సమయంలో మీ అసైన్మెంట్లను సమీక్షించండి.తద్వారా మీరు మీ పనితో సంతృప్తి చెందుతారు. తద్వారా ఒత్తిడిని తగ్గించుకోవచ్చు. నిద్ర పొందడానికి, కంప్యూటర్, ఫోన్ దూరంగా ఉంచండి. ముఖ్యంగా సోషల్ మీడియాకు దూరంగా ఉండండి, తద్వారా మీరు విశ్రాంతి తీసుకోవడానికి వీలుకలుగుతుంది.
నిద్ర కోసం సిద్ధం కావడానికి కొంత సమయం కేటాయించండి. నిద్రపోవడానికి కనీసం 30 నిమిషాలు పట్టవచ్చు. ఓపికపట్టండి, మీరు పడుకున్న వెంటనే నిద్రరాకపోతే చింతించకండి. మీరు పడుకునే ముందు చదవవచ్చు, సంగీతం వినవచ్చు, కాసేపు టీవీ చూడవచ్చు, వ్యాయామం చేయవచ్చు లేదా ధ్యానం చేయవచ్చు.. ఈ చర్యలు మీకు నిద్రవచ్చేలా చేస్తాయి. ఆ తర్వాత కూడా మీకు నిద్ర రాకపోతే, అర్థరాత్రి వరకు మేల్కొని ఉంటే యోగా లేదా ధ్యానం చేయండి. ఈజీగా నిద్రపడుతుంది. అన్నిటికంటే మనస్సును ప్రశాంతంగా ఉంచుకుంటే ఖచ్చితంగా నిద్ర పడుతుంది.
0 Response to "Avoid insomnia problem"
Post a Comment