APPSC Group 1 APPSC Group 2 Notifications
APPSC : ఏపీలో 3956 ఉద్యోగ ఖాళీలు. ఈ నెలాఖరులో నోటిఫికేషన్లు విడుదల చేయనున్న APPSC..? విభాగాల వారీగా ఖాళీల వివరాలివే..!
APPSC Group 1 APPSC Group 2 Notifications : ఆంధ్రప్రదేశ్‌లోని నిరుద్యోగులకు జగన్ సర్కార్ గుడ్‌న్యూస్‌ చెప్పింది. ఏపీపీఎస్సీ గ్రూప్-1, ఏపీపీఎస్సీ గ్రూప్-2 ఉద్యోగాల (APPSC Group-1, Group-2 Jobs) భర్తీకి గత నెలలో గ్రీన్ సిగ్నల్ ఇచ్చిన విషయం తెలిసిందే. ఇందేలో గ్రూప్-1 విభాగంలో మొత్తం 89 పోస్టులున్నాయి. ఇక.. ఏపీపీఎస్సీ గ్రూప్-2 కు సంబంధించి 508 పోస్టుల భర్తీకి అనుమతులు మంజూరు చేసింది. గ్రూప్-1 కు సంబంధించి హోం శాఖలో అత్యధికంగా 27 ఖాళీలు ఉన్నాయి. ఇందులో డీఎస్పీకి సంబంధించి 25, డిప్యూటీ సూపరింటెండ్ ఆఫ్ జైల్స్-01, డిప్యూటీ ఫారెస్ట్ ఆఫీసర్-1 ఖాళీలు ఉన్నాయి. రెవెన్యూ డిపార్ట్మెంట్ లో 44 ఖాళీలు ఉన్నాయి. ఆర్థిక శాఖలో 8 ఖాళీలు ఉన్నాయి. మున్సిపల్ అడ్మినిస్ట్రేషన్ విభాగంలో 01 పోస్టు ఉంది.
ఇక ఏపీపీఎస్సీ గ్రూప్-2 విషయానికి వస్తే.. ఈ విభాగంలో అత్యధికంగా అసిస్టెంట్ సెక్షన్ ఆఫీసర్ పోస్టులు 161 ఉన్నాయి. ఇంకా ఎక్సైజ్ సబ్ ఇన్స్పెక్టర్ పోస్టులు 150, డిప్యూటీ తహసీల్దార్ 114, అసిస్టెంట్ లేబర్ ఆఫీసర్ 18, సబ్ రిజిస్ట్రార్ 16, మున్సిపల్ కమిషనర్ పోస్టుల విభాగంలో 04 ఖాళీలు ఉన్నాయి. ఇందుకు సంబంధించిన నోటిఫికేషన్లు ఏపీపీఎస్సీ (APPSC) నుంచి త్వరలోనే విడుదల కానున్నాయి. తాజా సమాచారం ప్రకారం.. సెప్టెంబర్‌ నెలాఖరులోపు నోటిఫికేషన్లు విడుదలయ్యే అవకాశం ఉంది. ఏపీలో ఇటీవల గ్రూప్-1 నియమాలను ఏపీపీఎస్సీ విజయవంతంగా ముగించింది. ఈ నేపథ్యంలో కొత్త గ్రూప్-1, గ్రూప్-2 ఉద్యోగాల భర్తీపై దృష్టి సారించింది.
అలాగే.. ఏపీలో గ్రూప్-1, గ్రూప్-2 పోస్టులతో పాటు డిగ్రీ కాలేజీ లెక్చరర్లు, డిప్యూటీ ఎడ్యుకేషన్ ఆఫీసర్లు(DEO), ఎన్విరాన్‌మెంటల్‌ ఇంజినీర్లు, లైబ్రేరియన్ తదితర ఉద్యోగాలను భర్తీ చేయడానికి ఏపీపీఎస్సీ సిద్ధమవుతోంది. ఈ ఖాళీలు మొత్తం 1,119 వరకు ఉన్నాయి. ఇంకా.. వీటితో పాటు 2020 అసిస్టెంట్ ప్రొపెసర్ పోస్టులు, 220 జూనియర్ లెక్చరర్ ఖాళీలను భర్తీ చేయనున్నట్లు ఏపీపీఎస్సీ చైర్మన్ గౌతమ్ సవాంగ్ ఇటీవల గ్రూప్-1 ఫలితాల విడుదల సందర్భంగా వెల్లడించిన విషయం తెలిసిందే. దాదాపు 17 ఏళ్ల తర్వాత ఈ పోస్టుల భర్తీ జరుగుతోందని ఆయన పేర్కొన్నారు.
0 Response to "APPSC Group 1 APPSC Group 2 Notifications"
Post a Comment