DRDO Recruitment
DRDO Recruitment: నిరుద్యోగులకు అలర్ట్. డీఆర్‌డీవోలో ఉద్యోగాలు. ఇలా అప్లై చేసుకోగలరు.
రక్షణ శాఖకు చెందిన రీసెర్చ్ అండ్ డెవలప్ మెంట్ వింగ్ డీఆర్‌డీవో, నిరుద్యోగులకు గుడ్‌న్యూస్ చెప్పింది. ఈ సంస్థ సైంటిస్ట్-బి కేటగిరీ పోస్టులకు రిక్రూట్‌మెంట్ చేపడుతోంది.
అర్హులైన అభ్యర్థులు అధికారిక పోర్టల్ www.drdo.gov.in ద్వారా దరఖాస్తు చేసుకోవచ్చు. ఈ గడువు సెప్టెంబర్ 29 వరకు ఉంటుంది. డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్(DRDO) ప్రధానంగా డీఎస్‌టీ, ఏడీఏ, సీఎంఈ వంటి విభాగాల్లో సైంటిస్ట్-బి ఉద్యోగాలను భర్తీ చేస్తుంది.
ఖాళీల వివరాలు
డీఆర్‌డీవో మెయిన్ విభాగంలో 181 పోస్టులు, డీఎస్‌టీ విభాగంలో 11, ఏడీఏ విభాగంలో 6, సీఎంఈ విభాగంలో 6 సైంటిస్ట్ బి పోస్టులను భర్తీ భర్తీ కానున్నాయి.
ఎడ్యుకేషన్ క్వాలిఫికేషన్
దరఖాస్తుదారులు సంబంధిత ఫీల్డ్‌లో ఫస్ట్ క్లాస్‌లో ఇంజనీరింగ్‌ పూర్తి చేసి ఉండాలి. గ్రాడ్యుయేట్ ఆప్టిట్యూడ్ టెస్ట్ (గేట్) తప్పనిసరిగా క్వాలిఫై అయి ఉండాలి. ఈ సమాచారాన్ని అప్లికేషన్ ఫారమ్‌లో తప్పనిసరిగా తెలియజేయాలి.
వయోపరిమితి
అభ్యర్థుల వయసు 18 సంవత్సరాల నుంచి 40 ఏళ్ల లోపు ఉండాలి. రిజర్వ్‌డ్ కేటగిరీ అభ్యర్థులకు గరిష్ట వయోపరిమితిలో సడలింపు ఉంటుంది. కేంద్ర ప్రభుత్వ నిబంధనల ప్రకారం సడలింపు ఉంటుంది.
అప్లికేషన్ ప్రాసెస్
- ముందుగా డీఆర్‌డీవో అధికారిక పోర్టల్ www.drdo.gov.in ను ఓపెన్ చేయాలి. హోమ్ పేజీలోకి వెళ్లి అడ్వటైజ్‌మెంట్ నంబర్ 145 క్లిక్ చేసి సైంటిస్ట్-బి నోటిఫికేషన్ వివరాలను పరిశీలించాలి.
- ఆ తరువాత 'అప్లై నౌ' ఆప్షన్ క్లిక్ చేసి దరఖాస్తు చేసుకోవాలి. ముందుగా పేరు, డేట్ ఆఫ్ బర్త్ వంటి వివరాలను ఎంటర్ చేసి రిజిస్టర్ అవ్వాలి. అనంతరం రిజిస్టర్ ఐడీ, పాస్‌వర్డ్ సాయంతో లాగిన్ అయి అప్లికేషన్ ఫారమ్ ఓపెన్ చేయాలి.
- అన్ని వివరాలను అందులో ఎంటర్ చేయాలి. అప్లికేషన్ ఫీజు చెల్లించాలి.
- అవసరమైన డాక్యుమెంట్లను అప్‌లోడ్ చేసి, చివరగా అప్లికేషన్‌ను సబ్‌మిట్ చేయాలి.
ఎంపిక ప్రక్రియ
పర్సనల్ ఇంటర్వ్యూ ఆధారంగా అభ్యర్థులను ఎంపిక చేస్తారు. ఇంటర్వ్యూ తేదీ, వేదిక వివరాలను అభ్యర్థులకు ప్రత్యేక కాల్ లెటర్‌ ద్వారా తెలియజేస్తారు.
జీతభత్యాలు
డీఆర్‌డీవో సైంటిస్ట్-బి రిక్రూట్‌మెంట్‌కు ఎంపికయ్యే అభ్యర్థులకు జీతం నెలకు రూ.56,100 నుంచి 1,77,500 మధ్య ఉంటుంది.
కాగా, దేశ రక్షణ శాఖలో డీఆర్‌డీవో పాత్ర కీలకం. దేశానికి డిఫెన్స్ టెక్నాలజీ అందించడంతో పాటు అత్యాధునిక ఆయుధాల తయారీలో స్వయం సమృద్ధి సాధించడానికి కృషి చేస్తోంది. దేశవ్యాప్తంగా డీఆర్డీవోకు 51 పరిశోధన కేంద్రాలు ఉన్నాయి. జాతీయ భద్రతకు సంబంధించిన ఆయుధాలు, ఎలక్ట్రానిక్స్, మిస్సైల్స్, యుద్ధ శకటాలు, యుద్ధనౌకలు, యుద్ధ విమానాలు వంటి అంశాలపై ఈ కేంద్రాల్లో పరిశోధనలు జరుగుతుంటాయి.
0 Response to "DRDO Recruitment"
Post a Comment