The changes in the educational system
- విద్యావ్యవస్థలో సమూల మార్పులు.
- నైపుణ్యాభివృద్ధికి దక్షిణ కొరియాతో ఒప్పందం
- జస్టిస్ కాంతారావు , ఈశ్వరయ్యలతో రెండు కమిటీలు
- విద్యాశాఖా మంత్రి సురేష్ వెల్లడి
రాష్ట్రంలో విద్యా , సాంకేతిక శిక్షణకు దక్షిణ కొరియా భాగస్వామ్యం , పరస్పర సహకారంపై అంగీకారం కుదిరినట్లు రాష్ట్ర విద్యాశాఖామంత్రి ఆదిమూలపు సురేష్ వెల్లడించారు . మూడు రోజుల పర్యటనలో భాగంగా రాష్ట్రానికి వచ్చిన దక్షిణ కొరియా ప్రతినిధి బృందం మంత్రి , విద్యాశాఖ ఉన్నతాధికారులతో భేటీ అయ్యింది . మొత్తం 18 మంది కొరియన్ బృందంతో జరిగిన ఈ సమావేశంలో పలు అంశాలపై అంగీకారం కుదిరినట్లు భేటీ అనంతరం మంత్రి మీడియా సమావేశంలో వివరాలను తెలియజేశారు . ముఖ్యమంత్రి ఆదేశాల మేరకు వృత్తి నైపుణ్యతకు పెద్ద పీట వేస్తున్నామని , నైపుణ్యాభివృద్ధి కేంద్రాలను ప్రతి పార్లమెంట్ నియోజకవర్గం పరిధిలో ఏర్పాటు చేస్తున్నామని తెలిపారు . ఇదే విషయాన్ని దక్షిణ కొరియా బృందానికి వివరించామన్నారు . దక్షిణ కొరియాకు చెందిన బ్లాక్ చైన్ టెక్నాలజీ విషయంలో ఏపీతో పరస్పర సహకారం , శిక్షణకు కొరియన్ బృందం ముందుకు వచ్చినట్లుతెలిపారు . దీనితో పాటు రాష్ట్రంలో ప్రభుత్వ సహకారంతో కొరియన్ టెక్నాలజీ ఇనిస్టిట్యూట్లు కూడా ఏర్పాటు చేయనున్నట్లు చెప్పారు . అలాగే ట్రిపుల్ ఐటీల్లో ఏర్పాటు చేస్తున్న ఇంక్యుబేషన్ సెంటర్లకు కూడా సాంకేతిక సహకారాన్ని కోరుతున్నామని తెలిపారు . .
0 Response to "The changes in the educational system"
Post a comment