Getting ready for ten points .. Special exercise in welfare hostels

పదికి సన్నద్ధం..
సంక్షేమ హాస్టళ్లలో ప్రత్యేక కసరత్తు..
 నాలుగు సబ్జెక్టుల్లో విద్యార్థులకు ట్యూషన్..
ప్రత్యేకంగా స్టడీ మెటీరియల్...

అమరావతి : అది - విజయవాడలోని సాంఘిక సంక్షేమ శాఖ స్పెషల్ హాస్టల్ . సమయం సాయంత్రం ఆరున్నర . పదో తరగతి పరీక్షల షెడ్యూల్ ప్రకటించడంతో హాస్టళ్లలో విద్యార్థులు పట్టుదలతో చదువుతున్నారు . నిశ్శబ్ద వాతావరణంలో పుస్తకాలలో లీనమైపోయారు . సాంఘిక సంక్షేమ పాఠశాలల్లో ఉత్తీర్ణత శాతం పెంచేందుకు అధికారులు కూడా అన్ని చర్యలు తీసుకుంటున్నారు . స్టడీ అవర్లు పర్యవేక్షిస్తున్నారు . విద్యార్థులకు కావాల్సిన పుస్తకాలు   సరఫరా చేశారు . అలాగే సబ్జెక్ట్ ఎక్స్పర్ట్స్ తో సాం ఘిక సంక్షేమ శాఖ స్పెషల్ హాస్టళ్లలో ఉదయం , సాయంత్రం వేళల్లో ఇంగ్లిష్ , హిందీ , మ్యాథ మ్యాటిక్స్ , సైన్స్ సబ్జెక్టుల్లో ప్రత్యేకంగా ట్యూషన్ చెప్పిస్తున్నారు . ఈ ఏడాది పదో తరగతిలో ఉత్తీర్ణతా శాతం పెంపునకు సాంఘిక సంక్షేమ శాఖ ప్రత్యేక శ్రద్ధ తీసుకుంది . హాస్టళ్లు , స్కూళ్లలో విద్యార్థుల చదువుపై పర్యవేక్షణతో పాటు వారికి కావాల్సిన సౌకర్యాలు కూడా కల్పిస్తున్నది .

 హాస్టళ్లు , స్కూళ్లలో ప్రత్యేక పాఠాలు . . 

హాస్టళ్లలో విద్యార్థులకు మోటివేషన్ క్లాసులు చెప్పిస్తున్నారు . ఉదయం రెండు గంటలు , సాయం త్రం మూడు గంటల పాటు అభ్యసన సమయాలు కేటాయిస్తున్నారు . పిల్లలు ఎలా చదువుతున్నారనే దానిపై పరిశీలనకు డిప్యూటీ డైరెక్టర్లు , జాయింట్ డైరెక్టర్లు ఎప్పటికప్పుడు విజిట్స్ నిర్వహిస్తు న్నారు . నిరంతరం స్లిప్ టెస్టు పెడుతూ . . విద్యా ర్డుల మార్కుల ద్వారా వారి అభ్యసన తీరును పరి శీలిస్తున్నారు . సాంఘిక సంక్షేమ శాఖ ద్వారా ఆల్ ఇన్ వన్ స్టడీ మెటీరియల్ ను విద్యార్థులకు పంపిణీ చేస్తున్నారు . బృంద చర్చలు కూడా నిర్వహిస్తు న్నారు . ఇక స్కూలు ముగిసిన తరువాత ఒక గంట పాటు స్టడీ అవర్ కొనసాగిస్తున్నారు . అలాగే పదో తరగతి విద్యార్థుల కోసం ప్రత్యేక క్లాసులు నిర్వ హిస్తున్నారు . కాగా , రాష్ట్ర వ్యాప్తంగా 759 సాంఘిక సంక్షేమ హాస్టళ్లలో 13,070 మంది విద్యార్థులు పదో తరగతి చదువుతున్నారు . మొత్తం 1,066 ప్రభుత్వ , ఎయిడెడ్ స్కూళ్లల్లో వీరు విద్యాభ్యాసం చేస్తున్నారు . వీరిలో 8,071 మంది బాలురు , 4,999 మంది బాలికలు ఉన్నారు . తెలుగు మీడియంలో ఎక్కువ మంది చదువుతున్నారు .

Share on FacebookPlus on Google+

SUBSCRIBE TO OUR NEWSLETTER