The ration can be picked up anywhere: new newly ration cards
సరుకులు ఎక్కడైనా తీసుకోవచ్చు : కొత్త కొత్తగా రేషన్ కార్డులు.
వచ్చే ఏడాది జూన్ 1 నుంచి ఒకే దేశం.. ఒకే రేషన్ కార్డును అమలు చేయాలని కేంద్రం భావిస్తోంది.
జాతీయ ఆహార భద్రతా చట్టం కింద లబ్ధిదారులు ఇకపై దేశంలో ఎక్కడి నుంచైనా రేషన్ సరుకులను పొందే అవకాశాన్ని కల్పించనుంది. . ఇప్పటికే ఆరు రాష్ర్టాల్లో ప్రయోగాత్మకంగా దీన్ని అమలు చేస్తున్నారు. ఈ విధానాన్ని దేశవ్యాప్తంగా అమలు చేసేందుకు కొత్త రేషన్ కార్డు నమూనాను కేంద్రం రూపొందించింది.
- ఇకపై కొత్త రేషన్ కార్డులను జారీ చేసేటప్పుడు ఈ నమూనాను అనుసరించాలని అన్ని రాష్ట్ర ప్రభుత్వాలకు సూచించింది.
- అన్ని రాష్ట్ర ప్రభుత్వాలతో చర్చించి ఈ నమూనాను రూపొందించినట్లు కేంద్ర ఆహార మంత్రిత్వ శాఖ తెలిపింది.
- దీని ప్రకారం ఇకపై కొత్త రేషన్ కార్డులు స్థానిక భాషతోపాటు హిందీ లేదా ఇంగ్లీష్లో ఉంటాయి.
- రేషన్ కార్డు నెంబరు పది అంకెల ప్రామాణిక సంఖ్యలో ఉంటుంది. మొదటి రెండు అంకెలు రాష్ట్ర కోడ్ను సూచిస్తాయి.
- కుటుంబ సభ్యులందరికీ ప్రత్యేక గుర్తింపు సంఖ్య ఉంటుంది.
- వలస వెళ్లే నిరుపేదలకు రేషన్ సరుకులు అందక..ఇబ్బంది పడకూడదన్న ఉద్ధేశ్యంతో కేంద్రం ఈ కొత్త విధానాన్ని అందుబాటులోకి తెస్తోంది.
- నకిలీ రేషన్ కార్డులను అరికట్టేందుకు ఆధార్ను రేషన్ సరుకుల కోసం తప్పనిసరి చేసింది.
- ఇప్పటికే ఏపీ, తెలంగాణతో సహా చాలా రాష్ట్రాల్లో రేషన్ సరుకులు ఎక్కడి నుంచేనా తీసుకొనే సౌకర్యాన్ని కల్పించారు.
- ఎలక్ట్రానిక్ పాయింట్ ఆఫ్ సేల్ ద్వారా లబ్దిదారు బయోమెట్రిక్ / ఆధార్ను ధృవీకరించిన తర్వాత..ఈ పథకం అందుబాటులోకి వస్తుంది.
0 Response to "The ration can be picked up anywhere: new newly ration cards"
Post a Comment