These are the elements of the closing cabinet meeting
ముగిసిన క్యాబినెట్ సమావేశం
ఏపీ కేబినెట్ సమావేశం ముగిసింది . రాజధాని అమరావతి అంశంపై కేబినెట్ చర్చించింది .
ఏపీ కేబినెట్ సమావేశం ముగిసింది . రాజధాని అమరావతి అంశంపై కేబినెట్ చర్చించింది .
రాజధాని అంశంపై చర్చించేందుకు ఏర్పాటైన ఏపీ కేబినెట్ సమావేశం 2గంటల 15 నిమిషాలపాటూ సాగింది. ఇందులో ప్రధానంగా రాజధాని అంశంపై జీఎన్ రావు కమిటీ ఇచ్చిన రిపోర్టును సీఎం జగన్, మంత్రులు చర్చించారు. అమరావతిలో పరిస్థితులు, విశాఖలో పరిపాలనా పరంగా రాజధాని ఏర్పాటు ప్రతిపాదన, రాజధానిలో రైతులకు ఎలా న్యాయం చెయ్యాలి? ఇలాంటి అంశాలన్నింటిపైనా చర్చించారని తెలిసింది. ఐతే... కేబినెట్ సమావేశంలో ప్రస్తుతానికి రాజధాని అంశంపై ఏ నిర్ణయమూ తీసుకోలేదని తెలుస్తోంది. ఇప్పుడు బోస్టన్ కన్సల్టెన్సీ గ్రూప్ ఇచ్చే పూర్తిస్థాయి నివేదిక కీలకం కానుంది. బోస్టన్ కన్సల్టెన్సీ గ్రూప్ రాజధాని అంశంపై ప్రస్తుతానికి మధ్యంతర నివేదిక ఇచ్చింది. దానిపైనా ఇవాళ్టి కేబినెట్ మీటింగ్లో చర్చ జరిగింది. ఆ సంస్థ జనవరి 3న పూర్తి స్థాయి నివేదిక ఇస్తుందని తెలిసింది. ఆ నివేదిక ఇచ్చిన తర్వాతే... రాజధానిపై ఫైనల్ నిర్ణయం తీసుకునే అవకాశాలు కనిపిస్తున్నాయి. ఈ లోగా రాజధాని అంశంపై కేబినెట్ సబ్ కమిటీని వెయ్యాలని కేబినెట్ చర్చించినట్లు తెలిసింది.
బోస్టన్ కన్సల్టెన్సీ గ్రూప్ (BCG) అనేది... రాజధాని అనేది గ్రీన్ ఫీల్డ్ ఏరియాల్లోనే కాక... బ్రౌన్ ఫీల్డ్ ఏరియాల్లో కూడా ఉండొచ్చని చెబుతోంది. బ్రౌన్ ఫీల్డ్ అంటే... ఆల్రెడీ భవనాలు ఉన్న చోటిని ఇలా పిలుస్తారు. BCG పూర్తి స్థాయి నివేదికను బట్టీ... రాజధాని ఎక్కడ ఉండాలన్నది నిర్ణయిస్తారని తెలిసింది. ఒకవేళ BCG ఇచ్చే నివేదిక ఆధారంగా రాజధానిని నిర్మించాలనుకుంటే... అమరావతి లాగా ఏమాత్రం నిర్మాణాలు లేని ప్రదేశం కంటే... ఆల్రెడీ నిర్మాణాలు ఉన్న వైజాగ్ లాంటి ప్రాంతంలోనే రాజధానిని నిర్మించే అవకాశాలు ఉంటాయి. అందువల్ల ఇప్పుడు BCG నివేదిక కీలకం కానుంది.
ప్రస్తుతం అమరావతి రైతులు ఆందోళనలు ఉద్ధృతం చేశారు. వారికి న్యాయం చేసే అంశంపై ప్రభుత్వం ఎలా ముందుకెళ్లాలన్న అంశం కీలకంగా మారింది. అందువల్లే వెంటనే ఈ అంశంపై ప్రభుత్వం ఏ నిర్ణయమూ తీసుకోలేకపోయిందని తెలిసింది. BCG నివేదిక వచ్చేటప్పటికి మరో వారం టైమ్ ఉంటుంది కాబట్టి... ఈ లోగా ప్రభుత్వం అన్ని కోణాల్లో ఆలోచించే ఛాన్స్ తీసుకున్నట్లు తెలుస్తోంది. జనవరి 3 తర్వాత ప్రత్యేక అసెంబ్లీ సమావేశం కూడా ఉంటుందని తెలిసింది
0 Response to "These are the elements of the closing cabinet meeting"
Post a Comment