Good News of Banks: Charges on Transactions waived!
బ్యాంకుల గుడ్ న్యూస్: ట్రాన్సాక్షన్లపై చార్జీలు ఎత్తివేత!
బ్యాంక్ కస్టమర్లు తీపికబురు అందింది. బ్యాంకులు తాజాగా యూనిఫైడ్ పేమెంట్స్ ఇంటర్‌ఫేస్ (యూపీఐ), రూపే కార్డు ట్రాన్సాక్షన్లపై చార్జీలు వసూలు చేయవద్దని నిర్ణయించాయి. అయితే మర్చంట్ డిస్కౌంట్ రేటు (MDR) సున్నాగా ఉన్నంత వరకే ఈ నిర్ణయం అమలులో ఉంటుందని తెలిపాయి.
బ్యాంక్ కస్టమర్లు తీపికబురు అందింది. బ్యాంకులు తాజాగా యూనిఫైడ్ పేమెంట్స్ ఇంటర్‌ఫేస్ (యూపీఐ), రూపే కార్డు ట్రాన్సాక్షన్లపై చార్జీలు వసూలు చేయవద్దని నిర్ణయించాయి. అయితే మర్చంట్ డిస్కౌంట్ రేటు (MDR) సున్నాగా ఉన్నంత వరకే ఈ నిర్ణయం అమలులో ఉంటుందని తెలిపాయి.
ఇండియన్ బ్యాంక్స్ అసోసియేషన్ (IBA), నేషనల్ పేమెంట్స్ కార్పొరేషన్ ఆఫ్ ఇండియా (NPCI) మధ్య గత కొన్ని రోజులుగా ఈ అంశానికి సంబంధించి చర్చలు జరుగుతూ వస్తున్నాయి. ఇటీవలనే రెండింటి మధ్య ఒక డీల్ కుదిరినట్లు తెలుస్తోంది. ఇండియన్ బ్యాంక్స్ అసోసియేషన్ గతంలోనే ఇంటర్‌చేంజ్ ఫీజు, పేమెంట్స్ సర్వీస్ ప్రొవైడర్ ఫీజు, స్విచ్చింగ్ ఫీజు వంటి వివిధ రకాల ఫీజులను తొలగించాలని ఎన్‌పీసీఐని కోరింది.
సోమవారం నాటి మీటింగ్‌లో ఇంటర్‌చేంజ్ చార్జీల తొలగింపునకు ఎన్‌పీసీఐ అంగీకరించినట్లు తెలుస్తోంది. వ్యాపారులు కస్టమర్ల నుంచి కార్డు ద్వారా పాయింట్ ఆఫ్ సేల్ మెషీన్‌తో డబ్బులు కట్టించుకుంటే.. అప్పుడు వ్యాపారులు ఈ సర్వీస్ అందించిన బ్యాంక్‌కు ఎండీఆర్ చార్జీలు చెల్లించాలి. ఇప్పుడు ఈ బ్యాంక్ ఈ ఇంటర్‌చేంజ్ ఫీజును ఇష్యూయర్ బ్యాంక్‌కు (డెబిట్ కార్డు, క్రెడిట్ కార్డు జారీ చేసిన బ్యాంక్), నెట్‌వర్క్ ప్రొవైడర్ (ఎన్‌పీసీఐ)కి స్విచ్చింగ్ ఫీజు చెల్లించాల్సి ఉంటుంది. ఫోన్‌పే, గూగుల్ పే వంటి వాటికి అయితే పేమెంట్స్ సర్వీస్ ప్రొవైడర్ ఫీజు చెల్లించాల్సి వస్తుంది.
0 Response to "Good News of Banks: Charges on Transactions waived!"
Post a Comment