Google maps
Google మ్యాప్స్ లో రెస్టారెంట్లు , విడిది గృహాలు
కరోనా వైరస్ మహమ్మారి కారణంగా యావత్ భరతదేశ ప్రజలు కేవలం ఇంటికే పరిమితమయ్యారు . చాలా మంది ప్రజలు ఆహారం లేదా అవసరమైన సేవలకు అవకాశం లేకపోవడంతో ఇంట్లోనే ఉన్నారు . అయితే , రిలయన్స్ మరియు ఉబెర్ వంటి సంస్థలు అవసరమైన వ్యక్తులకు సహాయం అందిస్తున్నాయి . సమీపంలో ఏ కిరాణా దుకాణం తెరిచి ఉందో మీకు తెలియజేసే వెబ్సైట్లు కూడా ఉన్నాయి . ఇక ఇప్పుడు ఈ జాబితాలో Google ని కూడా లెక్కించవచ్చు . ఎందుకంటే , ఈ టెక్ దిగ్గజం ఇప్పుడు Google మ్యాప్స్ లో ఒక ఫీచర్ను జత చేసింది . దీనిలో , వినియోగదారు తన స్థానాన్ని నమోదు చేసుకున్న వెంటనే , వారికీ దగ్గర్లోని టేకౌట్ లేదా డెలివరీ అందించే రెస్టారెంట్లు వారికీ కనిపిస్తాయి . అంతే కాదు రాత్రి ఆశ్రయం కల్పించే షెల్టర్లు , కరోనా అంతం చేయడానికి ఏర్పాటు చేసిన ఆస్పత్రుల వివరాలను కూడా చూపిస్తుంది . ప్రజలు ప్రభుత్వం ఏర్పాటు చేసిన సహాయ కేంద్రాల స్థానాలను పరిశీలించడానికి కూడాGoogle ఉపయోగపడుతుంది . ఈ విషయంలో రాష్ట్ర , కేంద్ర ప్రభుత్వ అధికారులతో కలిసి పనిచేస్తున్నట్లు Google తెలిపింది . మీరు Google వెబ్ పేజ్ ఓపెన్ చేయగానే అక్కడ మీకు ' డు ది ఫైవ్ . హెల్ప్ స్టాప్ కరోనా వైరస్ ' అనే సందేశం కనిపిస్తుంది . ఒక్కసారి దాని మీద క్లిక్ చేశారంటే తర్వాత కనిపించే పేజీ మీకు కరోనా వైరస్ ను ఆపడానికి చేయాల్సిన ఐదు పనులు కనిపిస్తాయి . ఈ సమాచారంపై క్లిక్ చేస్తే ఇది మిమ్మల్ని స్థానిక ప్రభుత్వ హెల్త్ పేజీకి తీసుకెళ్తుంది . మనదేశంలో అయితే కుటుంబ , ఆరోగ్య మంత్రిత్వ శాఖ పేజీకి తీసుకెళుతుంది . అంతేకాకుండా కరోనా వైరస్ హెల్ప్ లైన్ నంబర్ నంబర్ ' + 91 - 11 - 23978046 ' ను , టోల్ ఫ్రీ నంబర్ 1075ను కూడా చూపిస్తుంది . మిగతా వారితో దూరంగా ఉండటం గురించి తెలపడం , ఆరోగ్య సంస్థలు అందించే సూచనలు , పరీక్షలు నిర్వహించే బోర్డులు తీసుకుంటున్న నిర్ణయాల గురించి కూడా ఇక్కడ తెలిపారు . ఈ కరోనా వైరస్ వ్యాపించకుండా తీసుకోవడానికి తీసుకోవాల్సిన జాగ్రత్తల గురించి కూడా ఈ వెబ్ సైట్ లో వివరించారు . అంతేకాకుండా ఎయిర్ పోర్టులో స్కీనింగ్ చేసిన ప్రయాణికులు ఎంతమంది , ప్రస్తుతం మనదేశంలో ఉన్న కరోనా వైరస్ కేసులు ఎన్ని , డిశ్చార్ అయిన తగ్గిపోయిన కేసులు ఎన్ని , మరణాలు ఎన్ని వంటి వివరాలు కూడా తెలుపుతారు . ఏ రాష్ట్రానికి సంబంధించిన వివరాలు కావాలన్నా ప్రత్యేకంగా టేబుల్ రూపంలో ఆ సమాచారం దొరుకుతుంది .
0 Response to "Google maps"
Post a Comment