LIC Pension Scheme Popular pension scheme rules offered by AIC have changed. Let us know the new terms

LIC : ఈ పాలసీ రూల్స్ మార్చిన ఎసీ ... కొత్త నిబంధనలివే

LIC Pension Scheme  ఎఐసీ అందిస్తున్న పాపులర్ పెన్షన్ స్కీమ్ రూల్స్ మారాయి . కొత్త నిబంధనలు తెలుసుకుందాం.

లైఫ్ ఇన్స్యూరెన్స్ కార్పొరేషన్ ఆఫ్ ఇండియా-LIC అందిస్తున్న పెన్షన్ స్కీమ్ రూల్స్ మారాయి. కేంద్ర ప్రభుత్వానికి చెందిన ప్రధాన మంత్రి వయ వందన యోజన-PMVVY పథకాన్ని ఎల్ఐసీ అందిస్తున్న సంగతి తెలిసిందే. ఈ పథకం గడువు 2020 మార్చి 31న ముగిసింది. అయితే ఇటీవల ఈ స్కీమ్ గడువును 2023 మార్చి 31 వరకు పొడిగించింది కేంద్ర ప్రభుత్వం. అంటే మరో మూడు సంవత్సరాలు మాత్రమే ఈ స్కీమ్ అందుబాటులో ఉంటుంది. అయితే ఈ స్కీమ్ రూల్స్‌ మారాయి. గతంలో 8 శాతంగా ఉన్న వడ్డీ రేటు తగ్గింది. 2020-21 ఆర్థిక సంవత్సరానికి 7.40% వడ్డీ రేటును ఫిక్స్ చేసింది కేంద్ర ప్రభుత్వం. గరిష్టంగా రూ.15,00,000 మాత్రమే ఇన్వెస్ట్ చేయొచ్చు. ఈ స్కీమ్‌ను ఆన్‌లైన్ లేదా ఆఫ్‌లైన్‌లో తీసుకోవచ్చు. ప్రధాన మంత్రి వయ వందన యోజన-PMVVY పూర్తి వివరాలు తెలుసుకుందాం

PMVVY SCHEME: ప్రధాన మంత్రి వయ వందన యోజన స్కీమ్ వివరాలివే...

• కనీస వయస్సు- 60 ఏళ్లు
• గరిష్ట వయస్సు- గరిష్ట పరిమితి లేదు
• పాలసీ గడువు- 10 ఏళ్లు
• కనీస పెన్షన్- నెలకు రూ.1,000, మూడు నెలలకు రూ.3,000, ఆరు నెలలకు రూ.6,000, ఏడాదికి రూ.12,000
• గరిష్ట పెన్షన్- నెలకు రూ.9,250, మూడు నెలలకు రూ.27,750, ఆరు నెలలకు రూ.55,500 , ఏడాదికి రూ.1,11,000
• పెట్టుబడి- నెలకు రూ.1,000 పెన్షన్ కావాలంటే రూ.1,62,162 ఇన్వెస్ట్ చేయాలి. మూడు నెలలకు రూ.3,000 పెన్షన్ కావాలంటే రూ.1,61,074 ఇన్వెస్ట్ చేయాలి. ఆరు నెలలకు రూ.6,000 పెన్షన్ కోసం రూ.1,59,574 ఇన్వెస్ట్ చేయాలి. ఏడాదికి రూ.12,000 పెన్షన్ పొందాలనుకుంటే రూ.1,56,658 ఇన్వెస్ట్ చేయాలి.
• లోన్ సదుపాయం- పాలసీ మూడేళ్లు పూర్తైన తర్వాత గరిష్టంగా 75% రుణం తీసుకోవచ్చు. వడ్డీ ఏడాదికి 10% చెల్లించాలి.
• ఫ్రీ లుక్ పీరియడ్- పాలసీ నచ్చకపోతే తీసుకున్న 15 రోజుల్లో వెనక్కి ఇచ్చేయొచ్చు. ఆన్‌లైన్‌లో తీసుకుంటే 30 రోజుల ఫ్రీ లుక్ పీరియడ్ ఉంటుంది.
• ప్రీమెచ్యూర్ ఎగ్జిట్- 10 ఏళ్ల గడువు పూర్తికాకముందే పాలసీ వద్దనుకుంటే మీరు ఇన్వెస్ట్ చేసిన దాంట్లో 98% మాత్రమే వెనక్కి వస్తుంది.

Share on FacebookPlus on Google+

SUBSCRIBE TO OUR NEWSLETTER