Educational and General Updates కోసం నా వాట్సాప్ నెంబర్ 9390696970 ను మీవాట్సాప్ గ్రూపులో add చేయగలరు www.apedu.in.

Latest information

Teachers Corner

More

Student Corner

More

Sponcerd links

Sponcerd Links

General Information

More

Salaries delayed for the month of June

మండలి రగడతో జూన్ నెల జీతాలు ఆలస్యం.
ప్రభుత్వ ఉద్యోగులు , పెన్షనర్లలో ఆందోళన.
Salaries delayed for the month of June

 అమరావతి , ఆంధ్రప్రభ : ప్రతినెలా క్రమం తప్పకుండా 1 వ తేదీకి ప్రభుత్వ ఉద్యోగులు , పెన్షనర్ల ఖాతాలో పింఛన్ జమ కావడం ఇప్పటి వరకు ఆనవాయితీ వస్తోంది . అయితే జూన్ నెల జీతాలు జూలై 1 వ తేదీకి కాకుండా ఆలస్యం అయ్యే అవకాశాలు ఉన్నట్లు సమాచారం . ప్రధానంగా మండలిలో ద్రవ్య వినిమయ బిల్లు ఆమోదం పొందకపోవడమే జీతాలు ఆలస్యానికి కారణంగా చెబుతున్నారు . ఈ ఏడాది మార్చి నెలలో జరగాల్సిన బడ్జెట్ సమావేశాలు కరోనా కారణంగా ఓటాన్ ఎకౌంట్ కు పరిమితమయ్యాయి . జూన్ నెలాఖరుకు ఓటాన్ ఎకౌంట్ గడువు ముగియనుండటంతో ఈ నెల 15 , 16 వ తేదీల్లో అసెంబ్లీ ప్రత్యేక సమావేశాల్లో ఏర్పాటు చేయడం జరిగింది . పూర్తి స్థాయి బడ్జెట్ కోసమే ఈ సమావేశాలను ఏర్పాటు చేశారు . ఈ నెల 15 వ తేదీ అసెంబ్లీలో పూర్తి స్థాయి బడ్జెట్ ను ప్రవేశ పెట్టి సభ్యుల ఆమోదం పొందింది . రాష్ట్రంలో తొలిసారిగా బడ్జెట్ పై చర్చ లేకుండానే మండలికి బిల్లును పంపారు . ఈ నెల 16 నమండలిలో బడ్జెట్ కు సంబంధించిన ద్రవ్య వినిమయ బిల్లు ఆమోదం పొందాల్సి ఉంది . అయితే మండలిలో అధికార వైకాపా , విపక్ష తెదేపాల మధ్య వివాదం కారణంగా ద్రవ్య వినిమయ బిల్లు ఆమోదం పొందకుండానే , అర్ధాంతరంగా సభ నిర్వధికంగా వాయిదా పడింది . రాష్ట్ర చరిత్రలో ద్రవ్య వినిమయ బిల్లు ఆమోదం పొందకపోవటం ఇదే తొలిసారి కావడం శోచనీయం . దీనిపై అధికార , విపక్ష పార్టీల నేతలు పరస్పరం విమర్శలు సందించుకోవడం జరిగింది . ఈ నేపథ్యంలో మండలిలో ద్రవ్య వినిమయ బిల్లుపై ఆమోద ముద్ర పడకపోవడంతో జూన్ నెలకు సంబంధించి ఉద్యోగుల జీతాలు , పెన్షన్లు , ఆర్ధిక  బిల్లుల చెల్లింపులు ఆలస్యం అయ్యే అవకాశాలు ఉన్నాయి . ఇలాంటి పరిణామాల నేపధ్యంలో ప్రభుత్వం ద్రవ్య వినిమయ బిల్లును ఆర్డినెన్స్ ద్వారా ఆమోదించుకొనే అకాశం ఉంది . అయితే రాష్ట్రంలో ఆర్డినెన్స్ లేకుండానే బిల్లులు ఆమోదం పొందే అవకాశం ఏర్పడింది . ఈ నెల 16 న అసెంబ్లీలో బడ్జెట్ కు సంబంధించిన ద్రవ్య వినిమయ బిల్లు ఆమోదం పొందింది . దిగువ సభలో ఆమోదం పొందకపోయిన బిల్లు 15 రోజుల్లో యధాతదంగా ఆమోదం పొందుతుంది . దీనిబట్టి చూస్తే వచ్చే నెలా 1 వ తేదీ నాటికి ఈ 15 పూర్తి అయ్యి బిల్లు ఆమోద ముద్ర పొందుతుంది . దీంతో 2 వ తేదీన ప్రభుత్వ ఉద్యోగుల జీతాలు , పదవి విరమణ చేసిన ఉద్యోగులకు పించన్లు వారి ఖాతాల్లో జమ కావచ్చని భావిస్తున్నారు . అదే విధంగా ప్రతి నెలా 1 వ తేదీ వాలంటీర్ల ద్వారా నేరుగా అందించే సామాజిక భద్రత పించన్లు కూడా కొంత ఆలస్యం జరిగే అవకాశాలు ఉన్నాయని అధికార యంత్రాంగం చెబుతోంది . అలాగే ప్రభుత్వం చెల్లించాల్సి ఉన్న బిల్లులు కూడా , కొంత ఆలస్యం అయ్యే అవకాశాలు ఉన్నాయి . ఈ నేపధ్యంలో ప్రభుత్వం ఉద్యోగ సంఘాలకు , పెన్షనర్లు ముందస్తు సమాచారం ఇచ్చినట్లు తెలుస్తోంది .

మూలం:ఆంధ్రప్రభ

SUBSCRIBE TO OUR NEWSLETTER

Seorang Blogger pemula yang sedang belajar

0 Response to "Salaries delayed for the month of June"

Post a comment