Let us know the effect of corona on our income

మన ఆదాయంపై కరోనా ప్రభావం ఎంతో తెలుకుందాం

కరోనా వల్ల దేశ ప్రజల తలసరి ఆదాయం ఈ ఆర్థిక సంవత్సరం భారీగా తగ్గొచ్చని ఆందోళన వ్యక్తం చేసింది ఎస్​బీఐ తాజా నివేదిక. గోవా, దిల్లీలో సగటు ఆదాయం ఎక్కువగా క్షీణించొచ్చని పేర్కొంది. ఇందులో టాప్- 5లో రెండు తెలుగు రాష్ట్రాలు కూడా ఉన్నాయి. తలసరి ఆదాయం తగ్గుదలపై ఎస్​బీఐ తెలిపిన మరిన్ని వివరాలు ఇలా ఉన్నాయి.

కరోనా సంక్షోభం వల్ల ఈ ఏడాది దేశ ఆర్థిక వ్యవస్థ తీవ్రంగా నష్టపోనుంది. ఈ విషయంలో ఎటువంటి సందేహం లేదు. చాలా నివేదికలు, పరిశోధనలు ఈ విషయాన్ని ఇప్పటికే స్పష్టం చేశాయి. ఇటీవల ఓ సర్వే ప్రకారం... దిల్లీ, గోవా, తెలంగాణ, హరియాణాలో నివసించే వారి తలసరి ఆదాయంపై ఈ ప్రభావం ఎక్కువగా ఉండనుందని తెలిసింది.
తలసరి ఆదాయాల్లో తగ్గుదల ఇలా..

• ఎస్​బీఐ సోమవారం విడుదల చేసిన ఎకోరాప్​ నివేదిక ప్రకారం.. దేశ రాజధాని దిల్లీలో నివసించే వారు ఈ ఆర్థిక సంవత్సరంలో తమ సగటు ఆదాయంలో రూ.87,223 కోల్పోవచ్చని వెల్లడైంది. ఇది జాతీయ సగటు రూ.27,000తో పోలిస్తే చాలా ఎక్కువ.
• ఈ ఆర్థిక సంవత్సరంలో గోవాలో నివసించే వారి తలసరి ఆదాయం అత్యధికంగా రూ.1,05,906 తగ్గొచ్చని ఎస్​బీఐ నివేదిక అంచనా వేసింది.
• రెండు తెలుగు రాష్ట్రాలు ఆంధ్రప్రదేశ్​, తెలంగాణలో తలసరి ఆదాయం నష్టం వరుసగా రూ.47,727, రూ.67,883గా ఉండొచ్చని పేర్కొంది.
• బిహార్​, అసోంలో నివసించే వారి తలసరి అదాయం అత్యల్పంగా రూ.8,739, రూ.9,800 తగ్గొచ్చని నివేదిక వెల్లడించింది.

రాష్ట్రాల వారీగా ఇలా..

**************"****************"*******
రాష్ట్రం పేరు.   తలసరి  ఆదాయం 
                                 లో నష్టం.     

**************"*****************"********
తెలంగాణ              ₹ 67,883
ఆంధ్రప్రదేశ్.            ₹ 47,727
మహారాష్ట్ర.            ₹ 38,881
తమిళనాడు.          ₹ 45,857
ఉత్తరప్రదేశ్.            ₹ 14,006
గుజరాత్.                ₹ 45,018
కర్ణాటక.                   ₹ 39,127
బంగాల్                    ₹ 19,965
రాజస్థాన్                  ₹ 24,085
డిల్లీ                          ₹ 87,223
కేరళ                         ₹ 44,684
హరియాణ.               ₹ 52,696
మధ్యప్రదేశ్               ₹ 16,374
పంజాబ్.                   ₹ 34,081
బిహార్.                      ₹ 8,739
ఒడిశా.                      ₹ 14,745
ఝార్ఖండ్                    ₹ 12,887
 ఛత్తీస్ గఢ్                 ₹ 12,182
ఉత్తరాఖండ్.              ₹ 32,262
అసోం                         ₹ 9,800
జమ్మూకాశ్మీర్              ₹ 20,145
హిమాచల్ ప్రదేశ్          ₹ 31,857
గోవా                            ₹ 1,05,906
చండీగఢ్                      ₹ 77,545

**************"****************"*******
రాష్ట్రాల వారీగా సగటు ఆదాయం తగ్గుదల
జీఎస్​డీపీ క్షీణత రూ.38 లక్షల కోట్లు!

• ప్రస్తుత ఆర్థిక సంవత్సరానికి సంబంధించి స్థూల రాష్ట్రీయోత్పత్తి (జీఎస్​డీపీ) అంచనాల ఆధారంగానే తలసరి ఆదాయంపై ప్రభావాన్ని లెక్కించినట్లు ఎస్​బీఐ ఎకోరాప్​ తెలిపింది.
• కరోనా సంక్షోభంతో రాష్ట్రాల జీఎస్​డీపీ రేటు 16.9 శాతం తగ్గొచ్చని పేర్కొంది ఎస్​బీఐ. ఇది దాదాపు రూ.38 లక్షల కోట్లకు సమానం.
• ఈ ఆర్థిక సంవత్సరం దేశ జీడీపీ క్షీణతలో టాప్​ 10 రాష్ట్రాల వాటానే 73.8 శాతం ఉంటుందని ఎస్​బీఐ నివేదిక అంచనా వేసింది. అందులో మహారాష్ట్ర 14.2 శాతం, తమిళనాడు 9.2 శాతం, ఉత్తర్​ప్రదేశ్​ 8.2 శాతం చొప్పున వాటా ఉండొచ్చని పేర్కొంది.

నాలుగ త్రైమాసికాల్లోనూ ప్రతికూల వృద్ధే..

• ఇదిలా ఉండగా.. మేలో విడుదల చేసిన అంచనాలతో పోలిస్తే.. తాజా నివేదికలో దేశ జీడీపీ వృద్ధి రేటు క్షీణత అంచనాను 20 శాతం నుంచి 16.5 శాతానికి తగ్గించింది ఎస్​బీఐ.
• ప్రస్తుత ఆర్థిక సంవత్సం నాలుగు త్రైమాసికాల్లోనూ ప్రతికూల వృద్ధి.. పూర్తి సంవత్సరానికి రెండంకెల వృద్ధి క్షీణత నమోదు కావచ్చని ఎస్​బీఐ అంచనా వేసింది.
• దీనితో ఆగస్టు 31న జాతీయ గణాంక కార్యాలయం(ఎన్​ఎస్ఓ) విడుదల చేయనున్న 2020-21 జీడీపీ వృద్ధి రేటు గణాంకాలపై ఆసక్తి పెరిగింది.

రిటైల్ ద్రవ్యోల్బణం జులైలో 6.9 శాతం (ఎన్​ఎస్​ఓ అధికారిక లెక్కల ప్రకారం) కన్నా ఎక్కువే ఉండొచ్చని ఎస్​బీఐ పేర్కొంది. ప్రస్తుతం పరిస్థితుల్లో రిటైల్ ద్రవ్యోల్బణంపై ఎన్​ఎస్​ఓ ప్రకటించిన లెక్కలు అంచనాలు మాత్రమేనని తెలిపింది. వాస్తవ రిటైల్ ద్రవ్యోల్బణం 7.5 శాతానికిపైగా నమోదై ఉంటుందని అంచనా వేసింది.

జీడీపీ క్షీణత, వేగంగా పెరుగుతున్న ద్రవ్యోల్బణంతో.. వినియోగం, రికవరీ ఆశలు ఆవిరవుతున్నాయని ఎస్​బీఐ అభిప్రాయపడింది.

Share on FacebookPlus on Google+

SUBSCRIBE TO OUR NEWSLETTER