Home Loan: Buying a New Home ... But More Cheap Home Loans Interest Rates Details.
Home Loan: కొత్త ఇల్లు కొంటున్నారా...అయితే మరింత చౌకగా హోమ్లోన్స్ వడ్డీ రేట్లు వివరాలు.
ప్రస్తుతం హోమ్లోన్స్ వడ్డీ రేట్లు నాలుగు దశాబ్ధాల కనిష్టానికి పడిపోయాయి. ఈ సమయంలో అతి తక్కువ వడ్డీకే హోమ్ లోన్స్ పొందవచ్చు. అదేవిధంగా కరోనా నేపథ్యంలో ప్రాసెసింగ్ ఫీజులను కూడా తగ్గించాయి. ప్రస్తుతం మార్కెట్లో తక్కువ వడ్డీకే హోమ్లోన్స్ ఇచ్చే బ్యాంకులను పరిశీలిద్దాం.
సొంతిళ్లు ఉండాలని ప్రతి ఒక్కరూ కలలు కంటుంటారు. అయితే ఓవైపు చేతిలో తగినంత డబ్బు లేక, మరోవైపు బ్యాంకు వడ్డీ రేట్లు చూసి వెనకడుగు వేస్తుంటారు. ఇలాంటి వారికి ఇదే మంచి సమయమని చెబుతున్నారు మార్కెట్ నిపుణులు. ఎందుకంటే ప్రస్తుతం హోమ్లోన్స్ వడ్డీ రేట్లు నాలుగు దశాబ్ధాల కనిష్టానికి పడిపోయాయి. ఈ సమయంలో అతి తక్కువ వడ్డీకే హోమ్ లోన్స్ పొందవచ్చు. అదేవిధంగా కరోనా నేపథ్యంలో ప్రాసెసింగ్ ఫీజులను కూడా తగ్గించాయి. ప్రస్తుతం మార్కెట్లో తక్కువ వడ్డీకే హోమ్లోన్స్ ఇచ్చే బ్యాంకులను పరిశీలిద్దాం.
తక్కువ వడ్డీకే హోమ్ లోన్స్ అందిస్తున్న బ్యాంకులు వివరాలు.
1) కోటక్ మహీంద్రా బ్యాంక్
ప్రైవేటు రంగ బ్యాంకింగ్ దిగ్గజం కోటక్ మహీంద్రా బ్యాంక్ మార్కెట్లో అతి తక్కువ వడ్డీ రేట్లకు హోమ్ లోన్ అందిస్తుంది. హోమ్లోన్ వడ్డీ రేటును 10 బేసిస్ పాయింట్లు (బిపిఎస్) తగ్గించి 6.65 శాతానికే అందిస్తుంది. జీఎస్టీతో సహా ప్రాసెసింగ్ ఫీజును కేవలం 0.50% మాత్రమే వసూలు చేస్తుంది.
2) పంజాబ్ & సింధ్ బ్యాంక్
ప్రభుత్వం రంగ పంజాబ్ & సింధ్ బ్యాంక్ 6.65% వడ్డీ రేటుతో గృహ రుణాలను అందిస్తుంది. 40 సంవత్సరాల కాలపరిమితి వరకు ఈ రుణాలను అందజేస్తుంది. జూన్ 30 లోపు హోమ్ లోన్ తీసుకునే వారి నుంచి ఎటువంటి ప్రాసెసింగ్ ఫీజు వసూలు చేయడం లేదు.
3) స్టేట్ బ్యాంక్ ఆఫ్ ఇండియా
ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా 6.70% వడ్డీ రేటుతో హోమ్లోన్లను అందిస్తుంది. మీరు తీసుకున్న లోన్ మొత్తం నుంచి 0.4% ప్రాసెసింగ్ ఫీజు వసూలు చేస్తుంది. ఇది కనిష్టంగా రూ .10,000 నుంచి గరిష్టంగా రూ .30,000 వరకు ఉంటుంది. మహిళా ఖాతాదారులకు బ్యాంక్ అదనపు రాయితీని కూడా అందిస్తుంది.
4) హెచ్డిఎఫ్సి బ్యాంక్
ప్రైవేట్ రంగ బ్యాంకింగ్ దిగ్గజం హెచ్డిఎఫ్సి బ్యాంక్ 6.75 వడ్డీ రేటుతో హోమ్లోన్లను అందిస్తుంది. కానీ ప్రాసెసింగ్ ఫీజు మాత్రం మీ ఉద్యోగం, ప్రోఫైల్ను బట్టి మారుతుంది. సెల్ఫ్ ఎంప్లాయిడ్ ప్రొఫెషనల్ విషయంలో.. ప్రాసెసింగ్ ఫీజు లోన్ మొత్తంలో 0.5% లేదా రూ. 3000 ఏది ఎక్కువైతే అది వర్తిస్తుంది. నాన్ సెల్ఫ్ ఎంప్లాయిడ్ ప్రొఫెషనల్ విషయంలో 1.5% వరకు లేదా రూ. 4,500 ఏది ఎక్కవైతే అది వర్తిస్తుంది.
5) ఐసిఐసిఐ బ్యాంక్
ఐసిఐసిఐ బ్యాంక్ 6.75% వడ్డీ రేటుతో హోమ్లోన్లను అందిస్తుంది. మీరు చేసే ఉద్యోగం, జీతం వంటి విషయాలను బట్టి ప్రాసెసింగ్ ఫీజు మారుతుంది.
0 Response to "Home Loan: Buying a New Home ... But More Cheap Home Loans Interest Rates Details."
Post a Comment