Invitation for applications for 5th class admission in Gurukul schools
గురుకుల పాఠశాలల్లో 5 వ తరగతి ప్రవేశానికి దరఖాస్తుల ఆహ్వానం.
ఆంధ్రప్రదేశ్ గురుకుల విద్యాలయాల సంస్థ నిర్వహిస్తున్న 38 సాధారణ , 12 మైనారిటీ గురుకుల పాఠశాలల్లో ( రీజనల్ సెంటర్ ఆఫ్ ఎక్సలెన్స్ గురుకుల బాలుర పాఠశాలలు తాడికొండ గుంటూరు జిల్లా , కొడిగెనహళ్ళి అనంతపురం జిల్లా తో సహా ) 2021-22 విద్యా సంవత్సరానికి 5 వ తరగతి ( ఇంగ్లీషు మీడియం ) లో ప్రవేశానికి దరఖాస్తులు ఆహ్వానిస్తున్నట్లు ఆంధ్రప్రదేశ్ గురుకుల విద్యాలయాల సంస్థ కార్యదర్శి ఎం.ఆర్.ప్రసన్నకుమార్ ఒక ప్రకటనలో పేర్కొన్నారు. ఆన్లైన్ దరఖాస్తు ప్రక్రియ శనివారం నుంచి ప్రారంభం అయిందని, ఈనెల 30
వరకు 'https://aprs.apcfss.in' వెబ్సైట్ నుండి దరఖాస్తు చేసుకోవచ్చునని వివరించారు.
ప్రవేశానికి అర్హత : ఓ.సి, బి.సిలకు చెందినవారు 2010 సెప్టెంబర్ 1 నుండి 2012 ఆగస్టు 31మధ్య పుట్టి ఉండాలి. ఎస్సీ, ఎస్టీలు 2008 సెప్టెంబర్ 1 నుండి 2012 ఆగస్టు 31 మధ్య పుట్టి ఉండాలి.
అభ్యర్థులు సంబంధిత జిల్లాలో 2019-20, 2020-21 విద్యాసంవత్సరాలలో నిరవధికంగా ప్రభుత్వ లేక ప్రభుత్వ గుర్తింపు పొందిన పాఠశాలలో 3 మరియు 4 తరగతులు చదివి ఉండాలి.
ఓసీ, బీసీ విద్యార్థులు తప్పనిసరిగా గ్రామీణ ప్రాంతంలో చదివి ఉండాలి.
గ్రామీణ మరియు పట్టణ ప్రాంత ఎస్సీ, ఎస్టీ, మైనార్టీ విద్యార్థులు జనరల్, మైనారిటీ పాఠశాలల్లో ప్రవేశానికి అర్హులు.
ఆదాయపరిమితి : అభ్యర్ధి తల్లి తండ్రి / సంరక్షకుల సంవత్సరాదాయం ( 2020-21 ఆర్థిక సంవత్సరం) రూ .1,00,000 మించి ఉండరాదు.
సైనికోద్యోగుల పిల్లలకు ఈ నియమం వర్తించదు .
అభ్యర్ధులు పై అర్హతలు పరిశీలించుకొని ప్రాధమిక వివరాలతో ఆన్ లైన్లో దరఖాస్తు సమర్పించాలి
దరఖాస్తులో అభ్యర్థి పేరు , పుట్టినతేది, మొబైల్ నెంబర్, సంతకంతో కూడిన పాస్పోర్ట్ సైజు ఫోటో ఉండాలి.
అభ్యర్థులు ఆన్ లైన్ ద్వారా రూ. 50 చెల్లించిన తరువాత ఒక జర్నల్ నెంబరు ఇవ్వబడుతుంది.
దరఖాస్తు చేయడానికి ముందుగా పూర్తి వివరాలతో కూడిన సమాచార పత్రాన్ని 'https://aprs.apcfss.in' లో పరిశీలించి అదే వెబ్సైట్ ద్వారా దరఖాస్తు చేయాలి.
జిల్లావారీగా సంబంధిత జిల్లా కలెక్టరు కార్యాలయంలో లాటరీ పద్ధతి ద్వారా జులై 14న ఎంపిక ఉంటుందన్నారు. ఎంపికైన వారికి పాఠశాల కేటాయింపు కౌన్సిలింగ్ ద్వారా అదే రోజు జరుగుతుందని ప్రసన్నకుమార్ తెలిపారు.
0 Response to "Invitation for applications for 5th class admission in Gurukul schools"
Post a Comment