HDFC Bank Parivartan's COVID Crisis Support Scholarship Program 2021
HDFC బ్యాంక్ విద్యార్థుల కొరకు స్కాలర్షిప్లు - కోవిడ్ క్రైసిస్ సపోర్ట్ పేరుతో సాయం .
విద్యార్థుల కోసం HDFC బ్యాంక్ బృహత్తర కార్యక్రమానికి శ్రీకారం చుట్టింది. Covid Crisis Support పేరుతో స్కాలర్షిప్ను ప్రకటించింది.
కరోనా మహమ్మారి అన్నీ రంగాలతో పాటు విద్యారంగాన్ని కూడా కోలుకోలేని దెబ్బ తీసింది. ఎంతో మంది పిల్లలు తల్లిదండ్రులను కోల్పోయి వీధినపడ్డారు. వీళ్ల చదువు ప్రస్తుతం ప్రశ్నార్థకంగా మారింది. ఈ నేపథ్యంలో విద్యార్థుల కోసం HDFC బ్యాంక్ బృహత్తర కార్యక్రమానికి శ్రీకారం చుట్టింది. Covid Crisis Support పేరుతో స్కాలర్షిప్ను ప్రకటించింది. సామాజిక బాధ్యత కలిగిన సంస్థగా పరివర్తన్ కార్యక్రమంలో భాగంగా దీన్ని ప్రారంభించినట్లు పేర్కొంది.
అర్హతలు:
ఈ స్కాలర్షిప్ను పాఠశాల (1 నుంచి 12 తరగతుల వరకు), కాలేజీ (అండర్ గ్రాడ్యుయేట్, పోస్ట్ గ్రాడ్యుయేట్, డిప్లొమా) విద్యార్థుల కోసం రూపొందించింది. స్కాలర్షిప్నకు ఎంపికైన విద్యార్థులకు రూ.15 వేల నుంచి రూ.75 వేల వరకు ఒకేసారి ఆర్థిక సహాయం అందిస్తారు. స్కాలర్షిప్ ఫండ్ను ట్యూషన్ ఫీజు, హాస్టల్ ఫీజు, ఆన్లైన్ లెర్నింగ్ పరికరాలు, పుస్తకాల మొదలైన వాటి కొనుగోలుకు ఉపయోగించుకోవచ్చు.
ఇక అర్హతల విషయానికి వస్తే.. 2020 జనవరి నుండి కరోనాతో తల్లి లేదా తండ్రి లేదా ఇద్దరినీ కోల్పోయిన వారు దరఖాస్తు చేసుకోవాలి. అయితే.. వారి కుటుంబ వార్షిక కుటుంబ ఆదాయం సంవత్సరానికి రూ. 6 లక్షలకు మించకూడదు. అర్హులైన విద్యార్థులు అక్టోబర్ 31లోపు దరఖాస్తు చేసుకోవాల్సి ఉంటుంది.
ఎలా దరఖాస్తు చేసుకోవాలి
HDFC బ్యాంక్ ఈ స్కాలర్షిప్ ప్రోగ్రామ్ను బడ్డీ 4 స్టడీ ఇండియా ఫౌండేషన్ సహకారంతో నిర్వహిస్తుంది. బడ్డీ 4 స్టడీ వెబ్సైట్ https://www.buddy4study.com/ లోకి వెళ్లి మీ ఈ–మెయిల్, మొబైల్ నంబర్తో లాగిన్ కావాలి. ఆ తర్వాత ఆన్లైన్ దరఖాస్తు ఫారమ్ను నింపి అవసరమైన డాక్యుమెంట్స్ అప్లోడ్ చేయాలి.
గతేడాది మార్క్ షీట్, తల్లిదండ్రుల గుర్తింపు కార్డు, అడ్మిషన్ లెటర్, ఫీజు రిసిప్ట్ లేదా స్కూల్, కాలేజీ ఐడీ కార్డు, తల్లిదండ్రుల మరణ ధృవీకరణ పత్రం, ఉద్యోగం కోల్పోయినట్లయితే, తల్లిదండ్రులు మునుపటి ఉపాధికి రుజువు, వారి బ్యాంక్ ఖాతా వివరాలు, కుటుంబం ఆర్థిక పరిస్థితికి సంబంధించిన పాఠశాల ఉపాధ్యాయుడు, వైద్యుడు మొదలైనవారి నుంచి రిఫరెన్స్ లెటర్ వంటి డాక్యుమెంట్లు ఆన్లైన్లో సమర్పించాల్సి ఉంటుంది.
ఎంపిక ప్రక్రియ
ఈ స్కాలర్షిప్ ప్రోగ్రామ్కు సంబంధించి ఎంపిక ప్రక్రియ అనేక దశల్లో ఉంటుంది. గతేడాది మార్కులు, కుటుంబ ఆర్థిక స్థితి ఆధారంగా విద్యార్థులను షార్ట్లిస్ట్ చేస్తారు. అయితే.. ఈ స్కాలర్షిప్ను ఒకేసారి మంజూరు చేస్తారు. తర్వాతి సంవత్సరాలకు కొనసాగించడం ఉండదు.
WEBSITE https://www.buddy4study.com/
0 Response to "HDFC Bank Parivartan's COVID Crisis Support Scholarship Program 2021"
Post a Comment