Corona test at home with ‘covihome’
‘కొవిహోమ్‌’తో ఇంట్లోనే కరోనా టెస్ట్‌
- దేశపు తొలి ర్యాపిడ్‌ ఎలకా్ట్రనిక్‌ ఆర్‌ఎన్‌ఏ టెస్ట్‌ కిట్‌
- ఐఐటీ హైదరాబాద్‌ ప్రొఫెసర్‌ శివగోవిందం ఘనత
కొవిహోమ్‌.. భారతదేశపు తొలి ర్యాపిడ్‌ ఎలకా్ట్రనిక్‌ కొవిడ్‌-19 ఆర్‌ఎన్‌ఏ టెస్ట్‌ కిట్‌. సంగారెడ్డి జిల్లా కంది సమీపంలోని ఐఐటీ హైదరాబాద్‌ ఎలకా్ట్రనిక్‌ ఇంజనీరింగ్‌ విభాగం ప్రొఫెసర్‌ శివగోవిందం దీన్ని రూపొందించారు. స్మార్ట్‌ఫోన్‌కు ఈ పరికరాన్ని అనుసంధానం చేసి నిపుణుల పర్యవేక్షణ లేకుండా ప్రజలు ఇంట్లోనే కరోనా పరీక్ష చేసుకోవచ్చు. కృత్రిమ మేధ పరిజ్ఞానంతో 30నిమిషాల్లోనే ఫలితం తెలిపే ఈ పరికరం ఖరీదు కేవలం రూ.400. పెద్దఎత్తున ఉత్పత్తి చేస్తే రూ.300కే అందుబాటులోకి వస్తుందని అంచనా. కరోనాకు సంబంధించినంత వరకూ ఆర్టీ-పీసీఆర్‌ను ప్రామాణిక పరీక్షగా చెబుతారు. ఈ టెస్ట్‌కిట్‌ దాంతో సమాన ఫలితాలను ఇస్తోందని ఐఐటీహెచ్‌ అధికారులు తెలిపారు.
అయితే.. ఐసీఎంఆర్‌ సూచనల మేరకు సీఎ్‌సఐఆర్‌-సీసీఎంబీ ఈ టెస్ట్‌ కిట్‌ సామర్థ్యాన్ని పరిశీలించి.. దీని ప్రభావశీలత 94.2 శాతం, సెన్సిటివిటీ 91.3 శాతం, స్పెసిఫిసిటీ 98.2 శాతంగా తేల్చింది. కాగా.. కరోనా సమయంలో సాంకేతిక కార్యక్రమాల ద్వారా ఐఐటీహెచ్‌ ప్రజలకు చేదోడువాదోడుగా ఉందని ఆ సంస్థ డైరెక్టర్‌ బీఎ్‌స.మూర్తి అన్నారు. ప్రొఫెసర్‌ శివ గోవిందం తయారుచేసిన ‘కొవిహోమ్‌’ అద్భుతమైన ఫలితాలనిస్తోందని ఆయన వెల్లడించారు.
0 Response to "Corona test at home with ‘covihome’"
Post a Comment