Indian Navy SSC Recruitment 2021
Indian Navy SSC Recruitment 2021: ఇంజనీరింగ్ అర్హతతో నేవీలో ఉద్యోగాలు.. ఎలాంటి రాత పరీక్ష లేదు.. వివరాలు.
ఇండియన్ నేవీలో ఉద్యోగాల భర్తీకి మరో నోటిఫికేషన్ విడుదలైంది. ఇందుకు సంబంధించిన ఖాళీలు, విద్యార్హతల వివరాలు ఇలా ఉన్నాయి.
ఇడియన్ నేవీలో చేరాలనుకుంటున్నారా? అయితే, మీకో గుడ్ న్యూస్. పలు ఉద్యోగాలను భర్తీ చేయనున్నట్లు ఇండియన్ నేవీ తెలిపింది. ఈ మేరకు నోటిఫికేషన్ విడుదల చేసింది. ఎలక్ట్రికల్ విభాగంలో షార్ట్ సర్వీస్ కమిషన్ (ఎస్ఎస్సీ) అధికారుల ఉద్యోగాల కు ఈ నోటిఫికేషన్ ద్వారా అప్లై చేసుకోవచ్చు. ఎంపికైన అభ్యర్థులకు ముందుగా శిక్షణ ఇస్తారు. అర్హత, ఆసక్తి కలిగిన అభ్యర్థులు ఆన్లైన్ విధానంలో అప్లై చేసుకోవాల్సి ఉంటుంది. ఈ ఉద్యోగాలకు దరఖాస్తుల ప్రక్రియ ఈ నెల 16 నుంచి ప్రారంభం కానుంది. దరఖాస్తులకు ఈ నెల 30ని ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా దరఖాస్తు చేసుకోవాల్సి ఉంటుంది.
ఖాళీలు, అర్హతల వివరాలు..
ఈ నోటిఫికేషన్ ద్వారా మొత్తం 50 ఖాళీలను భర్తీ చేయనున్నారు. జనరల్ సర్వీస్ (జీఎస్)-ఎస్ఎస్సీ ఎలక్ట్రికల్ బ్రాంచ్లో ఈ ఖాళీలు ఉన్నాయి. అభ్యర్థులు కనీసం 60 శాతం మార్కులతో సంబంధిత సబ్జెక్టుల్లో BE/BTech ఉత్తీర్ణత సాధించి ఉండాలి. -నోటిఫికేషన్లో సూచించిన శారీరక ప్రమాణాలు కలిగి ఉండాలి. అభ్యర్థులు జనవరి 2, 1997 నుంచి జులై 1, 2002 మధ్యలో జన్మించి ఉండాలి.
NOTE
కేవలం అవివాహితులైన పురుషులు మాత్రమే ఈ ఉద్యోగాలకు అప్లై చేసుకునేందుకు అర్హులని నోటిఫికేషన్లో స్పష్టం చేశారు. అభ్యర్థులు ఇతర పూర్తి వివరాలను నోటిఫికేషన్లో చూడొచ్చు.
ఇతర వివరాలు..
- వాస్తవానికి ఈ ఉద్యోగాల భర్తీకి ఎంట్రన్స్ పరీక్షను నిర్వహించాల్సి ఉంటుంది. కానీ దేశంలో నెలకొన్న కరోనా పరిస్థితుల నేపథ్యంలో అకాడమిక్ మెరిట్ ఆధారంగా అభ్యర్థులను షార్ట్ లిస్ట్ చేయనున్నారు. షార్ట్ లిస్ట్ చేసిన అభ్యర్థులకు ఇంటర్వ్యూ నిర్వహించి ఎంపిక చేయనున్నారు.
- ఇంటర్వ్యూలను ఈ ఏడాది సెప్టెంబర్ లో నిర్వహించనున్నారు.
- ఎంపికైన అభ్యర్థులకు కేరళ రాష్ట్రంలోని ఇండియన్ నేషనల్ అకాడమీ, ఎజిమళలో శిక్షణ ఇవ్వనున్నారు.
- అభ్యర్థులు ఇతర పూర్తి వివనాలను నోటిఫికేషన్లో చూడొచ్చు.
WEBSITE https://www.joinindiannavy.gov.in/en
0 Response to "Indian Navy SSC Recruitment 2021"
Post a Comment