APPSC NOTIFICATION
ఉద్యోగాల భర్తీకి నాలుగు నోటిఫికేషన్ల విడుదల : 42 ఏళ్ల వయో పరిమితి -ఉత్తర్వులు జారీ .
ఏపీ పబ్లిక్ సర్వీసు కమిషన్ నాలుగు ఉద్యోగ నోటిఫికేషన్లు విడుల చేసింది. 39 హార్టికల్చర్ ఆఫీసర్ ఉద్యోగాల భర్తీకి వచ్చే నెల 11 నుంచి నవంబర్ 2 వరకు దరఖాస్తులు స్వీకరించినున్నట్లు వెల్లడించింది.
ఈ ఉద్యోగాలకు సంబంధించిన పూర్తి వివరాలను ఏపీపీఎస్సీ తన వెబ్ సైట్ లో అప్ లోడ్ చేసింది. ఇదే సమయంలో ప్రభుత్వం మరో కీలక ఉత్తర్వులు జారీ చేసింది. వైసీపీ ప్రభుత్వం అధికారంలోకి వచ్చిన ఉద్యోగ పరిమితి వయసు పైన నిర్ణయం కోసం నిరుద్యోగులు నిరీక్షించారు. అయితే, ఏపీపీఎస్సీ ద్వారా భర్తీచేసే ఉద్యోగాల కోసం అభ్యర్థుల వయో పరిమితిని 42 ఏళ్లకే పరిమితం చేస్తూ ప్రభుత్వం మంగళవారం ఉత్తర్వులు ఇచ్చింది.
ఏపీపీఎస్సీ ఉద్యోగాలకు అభ్యర్థుల వయో పరిమితి వాస్తవానికి 34 ఏళ్లు. అయితే, అభ్యర్థుల విజ్ఞప్తి మేరకు గత టీడీపీ ప్రభుత్వం వయో పరిమితిని 42 ఏళ్లకు పెంచుతూ 2016లోనే ఉత్తర్వులు జారీ చేసింది. ఆ ఉత్తర్వుల గడువు పాత నోటిఫికేషన్లతో ముగిసిపోయింది. దీంతో మళ్లీ అదే వయోపరిమితిని కొనసాగిస్తూ జీవో జారీ చేశారు. 30.9.2022లోపు ఏపీపీఎస్సీ విడుదల చేసే ఉద్యోగాలకు ఈ మినహాయింపు వర్తిస్తుందని పేర్కొన్నారు. సంవత్సరం పాటు ఏపీపీఎస్సీ జారీ చేసే నోటిఫికేషన్లు ఇదే వయో పరిమితి వర్తిస్తుంది.
ఇక, కొద్ది నెలల క్రితం ఏపీ ప్రభుత్వం దాదాపు పది వేలకు పైగా.. ఉద్యోగాల భర్తీకి జాబ్ క్యాలెండర్ విడుదల చేసింది. దీని పైన అనేక విమర్శలు వచ్చాయి. రాజకీయ విమర్శలతో పాటుగా నిరసనలు వ్యక్తం అయ్యాయి. ఇదే సమయంలో మరో జాబ్ క్యాలెండర్ కు ప్రభుత్వం సిద్దం అవుతుందనే వార్తలు వచ్చాయి. అందులో భాగంగా ఇప్పుడు నాలుగు నోటిఫికేషన్ల ద్వారా 71 పోస్టుల భర్తీకి ప్రకటన వెలువడింది. అయితే, చాలా కాలంగా కొత్త నోటిఫికేషన్లు జారీ కాకపోవటంతో..నిరుద్యోగులు వయో పరిమితి పెంచాలని కోరుతూ వచ్చారు. ఇక, ఇప్పుడు ప్రభుత్వం 42 ఏళ్ల వయసునే కటాఫ్ గా తీసుకున్నారు.
0 Response to "APPSC NOTIFICATION"
Post a Comment