1775 Central Government Jobs with Tent, Inter .. These qualifications are enough .. Can be applied.
టెన్త్‌, ఇంటర్‌తో 1775 కేంద్ర ప్రభుత్వ ఉద్యోగాలు.. ఈ అర్హతలుంటే చాలు.. అప్లయ్‌ చేసుకోవచ్చును.
ముఖ్యాంశాలు:
- ఎస్‌ఎస్‌సీ జాబ్‌ రిక్రూట్‌మెంట్‌
- పలు విభాగాల్లో 3261 పోస్టుల భర్తీ
- అక్టోబర్ 25 దరఖాస్తులకు చివరితేది
స్టాఫ్ సెలెక్ష‌న్ క‌మిష‌న్ భారీ జాబ్‌ నోటిఫికేషన్ విడుదల చేసింది. ఈ నోటిఫికేషన్ ద్వారా వేర్వేరు విభాగాల్లో 3261 ఖాళీల‌ను భర్తీ చేయనుంది. ఈ పోస్టుల‌లో టెన్త్‌, ఇంటర్ విద్యార్హ‌త‌తో 1,775 ఉద్యోగాలు ఉన్నాయి. ఈ పోస్టుల ద‌ర‌ఖాస్తుకు అక్టోబర్ 25, 2021 వ‌ర‌కు అవ‌కాశం ఉంది. ఈ పోస్టుల ద‌ర‌ఖాస్తుకు అక్టోబర్ 25 వ‌ర‌కు అవ‌కాశం ఉంది. దరఖాస్తు అనంత‌రం ఫీజు చెల్లించేందుకు అక్టోబర్ 28 రాత్రి 11.30 వ‌ర‌కు అవ‌కాశం ఉంది.
మొత్తం పోస్టులు : 1,775
ఇక.. బ్యాంక్ ద్వారా చ‌లాన్ రూపంలో ఫీజు చెల్లించేందుకు న‌వంబ‌ర్ 1 వ‌ర‌కు అవ‌కాశం ఉంది. పోస్టుల ఎంపిక పరీక్ష ద్వారా నిర్వ‌హిస్తారు. ఈ పరీక్ష జ‌న‌వ‌రి 2022 లేదా ఫిబ్ర‌వరిలో జ‌రిగే అవ‌కాశం ఉంది. దరఖాస్తు ప్రక్రియ పూర్త‌యిన త‌రువాత పరీక్ష తేదీలు విడుదల చేస్తారు. అభ్యర్థులు పూర్తి వివరాలకు https://ssc.nic.in/ వెబ్సైట్ చూడొచ్చు.
పోస్టులు:
మల్టీ టాస్కింగ్‌ స్టాఫ్, రీసెర్చ్‌ అసిస్టెంట్‌, గర్ల్స్‌ కేడెట్‌ ఇన్‌స్ట్రక్టర్‌, కెమికల్‌ అసిస్టెంట్‌, జూనియర్‌ ఇంజినీర్‌, సైంటిఫిక్‌ అసిస్టెంట్‌, టెక్నీషియన్‌, ల్యాబొరేటరీ అటెండెంట్‌, మెడికల్‌ అటెండెంట్‌, టెక్స్‌టైల్‌ డిజైనర్‌ తదితర పోస్టులున్నాయి.
ఎంపిక ప్రక్రియ- పరీక్ష విధానం:
ప్రాథ‌మికంగా కంప్యూట‌ర్ బెస్డ్ పరీక్ష నిర్వ‌హిస్తారు. పరీక్ష స‌మ‌యం 60 నిమిషాలు. ఇది అబ్జెక్టివ్ టైప్ ప్ర‌శ్న‌ల‌ను క‌లిగి ఉంటుంది. అయితే పోస్టును బట్టి విద్యార్హ‌త‌ను బట్టి మూడు ప‌రీక్ష‌ల వ‌ర‌కు నిర్వ‌హించే అవ‌కాశం ఉంది. పరీక్ష రాసే అభ్యర్థులు ఆచితూచి స‌మాధానం గుర్తించాలి. ప్ర‌తీ త‌ప్పు ప్ర‌శ్న‌కు 0.50 మార్కులు నెగెటివ్ మార్కింగ్ ఉంటుంది. పరీక్ష ఉత్తీర్ణులైన వారిని స్కిల్‌ టెస్ట్‌కు పిలుస్తారు.
పరీక్ష విధానం:
- జనరల్ ఇంటెలిజెన్స్- ఇందులో 50 మార్కులకు 25 ప్రశ్నలుంటాయి.
- జనరల్ అవెర్‌నెస్‌- ఇందులో 50 మార్కులకు 25 ప్రశ్నలుంటాయి.
- క్వాంటిటేవ్ ఆప్టిట్యూడ్- ఇందులో 50 మార్కులకు 25 ప్రశ్నలుంటాయి.
- ఇంగ్లీష్ లాంగ్వేజ్- ఇందులో 50 మార్కులకు 25 ప్రశ్నలుంటాయి.
ముఖ్య సమాచారం
విద్యార్హతలు: పోస్టులను బట్టి వేర్వేరు విద్యార్హతలున్నాయి. పోస్టులను టెన్త్‌, ఇంటర్, డిగ్రీ విద్యార్హతలుగా ఉన్నాయి.
వయసు: అభ్యర్థుల వయసు 18 నుంచి 30 ఏళ్లుగా ఉంది. అయితే రిజ‌ర్వేష‌న్‌ల ప్ర‌కారం ఆయా విభాగాల వారీగా వయోపరిమితిలో సడలింపులుంటాయి.
పరీక్ష ఫీజు :
అభ్యర్థులు ఆన్‌లైన్‌ విధానంలో దరఖాస్తు చేసుకోవాలి. దరఖాస్తు చేసుకొనేందుకు ఫీజు రూ.100. ఎస్సీ, ఎస్టీ, పీడ‌బ్ల్యూడీ, ఈఎస్ఎం కేటగిరీ అభ్య‌ర్థుల‌కు, మ‌హిళ‌ల‌కు పరీక్ష ఫీజు లేదు.
దరఖాస్తు విధానం:
- మొదట అధికారిక వెబ్సైట్ https://ssc.nic.in/ ను సంద‌ర్శించాలి.
- అందులో NOTICES లోకి వెళ్లి. OTHERS విభాగంలో నోటిఫికేషన్ చ‌ద‌వాలి.
- అనంత‌రం హోం పేజీకి వ‌చ్చి దరఖాస్తు ప్రక్రియ మొద‌లు పెట్టాలి.
- మొదట వ‌న్‌టైం రిజ‌స్ట్రేష‌న్ చేసుకోవాలి.
- అభ్య‌ర్థి ప్రాథ‌మిక విద్యార్హ‌త, పాస్‌పోర్టు ఫోటో, సంత‌కం అప్‌లోడ్ చేసి ఫాం స‌బ్‌మిట్ చేయాలి.
- ఈ ప్రక్రియ అనంత‌రం అభ్య‌ర్థికి రిజిస్ట్రేష‌న్ నంబర్, పాస్ వ‌ర్డ్ వ‌స్తాయి.
- రెండో భాగంలో రిజిస్ట్రేష‌న్ నంబర్ పాస్ వ‌ర్డ్‌తో లాగిన్ అవ్వాలి.
- అనంత‌రం ఏ పోస్టుకు దరఖాస్తు చేస్తున్నారో క్లిక్ చేసి సమాచారం, ఫీజు చెల్లించి స‌బ్‌మిట్ చేయాలి.
0 Response to "1775 Central Government Jobs with Tent, Inter .. These qualifications are enough .. Can be applied."
Post a Comment