Educational and General Updates కోసం నా వాట్సాప్ నెంబర్ 9390696970 ను మీవాట్సాప్ గ్రూపులో add చేయగలరు www.apedu.in.

Latest information

Teachers Corner

More

Student Corner

More

Sponcerd links

Sponcerd Links

General Information

More

Post office scheme for children .. Tuition fees, money every month for other expenses!

 పిల్లల కోసం పోస్టాఫీస్ స్కీమ్.. ట్యూషన్ ఫీజులు, ఇతరత్రా ఖర్చులకు ప్రతి నెలా డబ్బులు!

Post office scheme for children .. Tuition fees, money every month for other expenses!

మీ పిల్లల ట్యూషన్ ఫీజు కోసం, ఇతరత్రా ఖర్చుల కోసం ఏదైనా స్కీమ్‌లో డబ్బులు పెట్టాలని ఆలోచిస్తున్నారా? అయితే మీకు పోస్టాఫీస్ మంత్లీ ఇన్‌కమ్ స్కీమ్ అనుగుణంగా ఉంటుందని చెప్పుకోవచ్చు.

ప్రధానాంశాలు:

  • పోస్టాఫీస్‌లో పలు రకాల స్కీమ్స్ అందుబాటులో
  • మీకు అనువైన పథకాన్ని ఎంచుకోవడం ముఖ్యం
  • మంత్లీ ఇన్‌కమ్ స్కీమ్ కూడా ఒకటుంది
  • దీని ద్వారా ప్రతి నెలా చేతికి డబ్బులు వస్తాయి

పోస్టాఫీస్ ఎన్నో రకాల పథకాలు అందిస్తోంది. మీ అవసరాలు, ఆర్థిక లక్ష్యాలకు అనుగుణంగా అనువైన స్కీమ్‌ను ఎంచుకోవాలి. అప్పుడు పథకంలో చేరడం వల్ల ప్రయోజనం పొందొచ్చు. అందుకే స్కీమ్ ఎంపికలో జాగ్రత్తగా ఉండాలి. ఒకటికి రెండు సార్లు అన్ని విషయాలు ఆలోచించుకోవాలి. తర్వాతనే ఇన్వెస్ట్ చేయడం ప్రారంభించాలి. పోస్టాఫీస్ స్మాల్ సేవింగ్ స్కీమ్స్‌లో మంత్లీ ఇన్‌కమ్ స్కీమ్ కూడా ఒకటుంది. ఇందులో చేరడం వల్ల ప్రతి నెలా చేతికి డబ్బులు వస్తాయి. ఇంట్లో పదేళ్లకు పైన పిల్లలు కలిగిన వారు ఈ స్కీమ్ గురించి ఆలోచించొచ్చు.

పిల్లల పేరుపై ఈ స్కీమ్‌లో ఖాతా తెరిస్తే ప్రతి నెలా డబ్బులు వస్తుంటాయి. ఇవి వారి ట్యూషన్ ఫీజు సహా ఇతరత్రా ఖర్చులకు సరిపోతాయి. అదేసమయంలో పొదుపు గురించి కూడా వారికి అర్థం అవుతుంది. అందువల్ల ఇప్పుడు పోస్టాఫీస్ మంత్లీ ఇన్‌కమ్ స్కీమ్ గురించి ఒకసారి తెలుసుకుందాం. పోస్టాఫీస్ మంత్లీ ఇన్‌కమ్ స్కీమ్‌లో చేరే వారు ఒక విషయం గుర్తుపెట్టుకోవాలి. ఈ పథకంలో చేరితే ఒకేసారి కొంత మొత్తం ఇన్వెస్ట్ చేయాల్సి ఉంటుంది. తర్వాత ప్రతి నెలా డబ్బులు వస్తాయి. సింగిల్ అకౌంట్, జాయింట్ అకౌంట్ అనే రెండు రకాల ఆప్షన్లు ఉంటాయి. మీకు నచ్చిన ఆప్షన్ ఎంపిక చేసుకోవచ్చు.

సింగిల్ అకౌంట్ ఎంచుకుంటే రూ.4.5 లక్షల వరకు ఇన్వెస్ట్ చేయడానికి అవకాశం ఉంటుంది. అదే జాయింట్ అకౌంట్ అయితే రూ.9 లక్షల వరకు ఇన్వెస్ట్ చేయొచ్చు. మీరు ఏ ఆప్షన్ ఎంచుకున్న డబ్బులు ఒకేసారి డిపాజిట్ చేయాల్సి ఉంటుంది. కనీసం రూ.1000 అయినా డిపాజిట్ చేయొచ్చు. పదేళ్లకు పైన వయసు కలిగిన వారు ఈ స్కీమ్‌లో చేరొచ్చు. అంటే మీరు మీ పిల్లల పేరుపై పోస్టాఫీస్ మంత్లీ ఇన్‌కమ్ స్కీమ్ అకౌంట్ తెరవొచ్చు.

ఈ స్కీమ్‌పై ప్రస్తుతం 6.6 శాతం వడ్డీ లభిస్తోంది. కేంద్ర ప్రభుత్వం వడ్డీ రేటును ప్రతి మూడు నెలలకు ఒకసారి సమీక్షిస్తూ వస్తుంది. అంటే వడ్డీ రేట్లు పెరగొచ్చు. లేదంటే తగ్గొచ్చు. కొన్ని సందర్భాల్లో అలానే స్థిరంగా కూడా కొనసాగవచ్చు. ఈ స్కీమ్ మెచ్యూరిటీ కాలం ఐదేళ్లు. అడ్రస్ ప్రూఫ్, ఐడెంటిటీ ప్రూఫ్, రెండు ఫోటోలు తీసుకెళ్లి స్కీమ్‌లో చేరొచ్చు.

ఉదాహరణకు మీరు మీ పిల్లల పేరుపై రూ.2 లక్షలు డిపాజిట్ చేసి మంత్లీ ఇన్‌కమ్ స్కీమ్ కింద అకౌంట్ తెరిస్తే.. ప్రతి నెలా రూ.1100 వస్తాయి. ఏడాదికి రూ.13,200 పొందొచ్చు. ఐదేళ్ల టెన్యూర్ ప్రకారం చూస్తే.. రూ.66 వేలు వస్తాయి. అదే జాయింట్ అకౌంట్ తెరిచి రూ.3.5 లక్షలు డిపాజిట్ చేశారని అనుకుంటే.. నెలకు రూ.1925 లభిస్తాయి. రూ.4.5 లక్షలు డిపాజిట్ చేస్తే నెలకు రూ.2,500 వరకు పొందొచ్చు. మెచ్యూరిటీ తర్వాత మీ డబ్బులు మీకు వస్తాయి. ఒకవేళ స్కీమ్‌లో చేరిన వ్యక్తి మరణిస్తే.. ఆ డబ్బులను నామినీకి అందిస్తారు.

SUBSCRIBE TO OUR NEWSLETTER

Seorang Blogger pemula yang sedang belajar

0 Response to "Post office scheme for children .. Tuition fees, money every month for other expenses!"

Post a Comment