Children Health
Children Health: పిల్లల పెంపకంలో ఈ తప్పులు చేస్తున్నారా. తల్లిదండ్రులు తప్పక తెలుసుకోవాల్సిన విషయాలు.
చిన్నారులను సరైన రీతిలో పెంచాల్సిన బాధ్యత తల్లిదండ్రులపై ఉంది. సమాజంలో మంచి పౌరులుగా ప్రగతి సాధించేందుకు పేరెంట్స్ సహకారం చాలా అవసరం.
చాలా మంది తల్లిదండ్రులు తమ పిల్లలకు హోంవర్క్ చేయనివ్వకుండా స్వయంగా హోంవర్క్ చేస్తారు. ఇది వారిని డిపెండెంట్గా చేయడమే కాకుండా ఆ హోంవర్క్ చేయడం ద్వారా వారు పొందవలసిన జ్ఞానానికి కూడా ఆటంకం కలిగిస్తుంది. మీ పిల్లల కోసం ప్రతి ఒక్క నిర్ణయం తీసుకోవడం సర్వసాధారణం. కానీ మీ పిల్లల తప్పుల నుంచి నేర్చుకోవలసిన అవసరం ఉన్నందున వారు స్వయంగా నిర్ణయం తీసుకునేలా అవకాశం కల్పించాలి. ఇది చిన్న వయస్సులోనే పిల్లల నిర్ణయాత్మక నైపుణ్యాన్ని పెంచుతుంది. వారు చేసే ప్రతి పనికి ప్రశంసించడం మానేయాలి. ప్రశంసలతో పాటు వారి తప్పులను కూడా ఎత్తి చూపాలి. మీ పిల్లలు తప్పు చేసినప్పుడు వారికి చెప్పాలి. ఇలా చేయడం ద్వారా వారు భవిష్యత్తులో విమర్శలను స్వీకరించడం తెలుసుకుంటారు.
పిల్లలు అడిగిన వెంటనే వస్తువులను కొనివ్వడం మానుకోవాలి. బాగా చదువుకుంటే.. అల్లరి మానేస్తానంటే కొనిస్తామని చెప్పాలి. పిల్లలు డీలా పడిపోయిన ప్రతిసారీ వారికి భరోసా కల్పించాలి. లేచి నిలబడేలా ధైర్యాన్ని అందించాలి. సొంత కాళ్లపై నిలబడేలా ప్రేరేపించాలి.
0 Response to "Children Health"
Post a Comment