E-Passport
E-Passport 2.0: పాస్పోర్ట్ కోసం దరఖాస్తు చేసుకుంటున్నారా..? మీకో గుడ్న్యూస్.
ఈపాస్పోర్ట్ కోసం నిరీక్షణకు ఇప్పుడు తెరపడనుంది. పాస్పోర్ట్ సేవా దివస్ సందర్భంగా త్వరలో పాస్పోర్ట్ సేవా ప్రోగ్రామ్ 2.0ని ప్రారంభించనున్నట్లు విదేశాంగ మంత్రి జైశంకర్ ప్రకటించారు.
ప్రధాని ఈజ్ ఆఫ్ లైఫ్ విధానాన్ని అమలు చేస్తున్నారని, ప్రజల వద్దకు తీసుకెళ్లడంలో నిరంతరం సహకరిస్తున్నామన్నారు. ఆర్టిఫిషియల్ ఇంటెలిజెన్స్తో ఈ-పాస్పోర్ట్ సదుపాయం సిద్ధం చేయనున్నట్లు చెప్పారు. ఈ పాస్పోర్ట్లలో చిప్ ప్రారంభించనున్నట్లు, దీంతో ప్రజలు సులభంగా విదేశాలకు వెళ్లే అవకాశం ఉంటుందని అన్నారు. అంతేకాకుండా దీని వల్ల అందులో ఉండే డేటా ఎంతో సురక్షితంగా ఉంటుందన్నారు.
ఇ-పాస్పోర్ట్ ప్రోగ్రామ్ 2.0 అంటే ఏమిటి?
ఇ-పాస్పోర్ట్ ప్రోగ్రామ్ 2.0 కింద అత్యాధునిక సాంకేతికతను ఉపయోగించి పాస్పోర్ట్లు తయారు చేయబడతాయి. ఇందులో అత్యాధునిక బయోమెట్రిక్ టెక్నాలజీని కూడా ఉపయోగించనున్నారు. AI అధునాతన డేటా విశ్లేషణ, చాట్ బాట్, భాషా ప్రాధాన్యతతో కూడిన క్లౌడ్ కంప్యూటింగ్ను ఉపయోగించి ఈ పాస్పోర్ట్లు తయారు అవుతాయన్నారు.
0 Response to "E-Passport"
Post a Comment