Gold prices continue to fall. The price of silver also fell heavily

Gold prices continue to fall. The price of silver also fell heavily.
శుభవార్త.. రూ.2,400 పడిపోయిన బంగారం ధర.. దీనికి రెట్టింపు పతనమైన వెండి!

బంగారం ధర పడిపోతూనే వస్తోంది. వెండి ధర కూడా భారీగా పతనమైంది. ఎంసీఎక్స్ మార్కెట్‌లో పసిడి ధర ఏడు రోజులుగా పతనమౌతూనే వస్తోంది. గత వారపు గరిష్ట స్థాయి నుంచి చూస్తే బంగారం రూ.2,400 తగ్గింది

ప్రధానాంశాలు:

• మళ్లీ దిగొచ్చిన బంగారం ధర
• వెండి ధరదీ ఇదే దారి
• ఎంసీఎక్స్ మార్కెట్‌లో భారీగా దిగొచ్చిన ధర
• గత వారంతో పోలిస్తే పసిడి రూ.2,400 పతనం

బంగారం, వెండి ధరలపై ఒత్తిడి కొనసాగుతోంది. బలహీనమైన అంతర్జాతీయ సంకేతాలు, అమెరికా డాలర్‌తో పోలిస్తే బలమైన రూపాయి వంటి అంశాలు పసిడి ధరలపై ప్రతికూల ప్రభావం చూపుతున్నాయి. ఎంసీఎక్స్ మార్కెట్‌లో శుక్రవారం క్లోజింగ్ సమయానికి అక్టోబర్ గోల్డ్ ఫ్యూచర్స్ ధర 10 గ్రాములకు 0.65 శాతం క్షీణతతో రూ.37,503కు క్షీణించింది.

బంగారం ధర గత వారపు గరిష్ట స్థాయి రూ.39,885తో పోలిస్తే ఇప్పుడు ఏకంగా 6 శాతం లేదా రూ.2,400 తగ్గింది. వెండి ధర కూడా తగ్గుతూనే వస్తోంది. ఎంసీఎక్స్ మార్కెట్‌లో వెండి ఫ్యూచర్స్ ధర కేజీకి 3 శాతం లేదా రూ.1,300 క్షీణతతో రూ.45,830కు దిగొచ్చింది. గత వారపు గరిష్ట స్థాయి రూ.51,489తో పోలిస్తే వెండి ధర దాదాపు 11 శాతం లేదా రూ.5,659 పతనమైంది.

గ్లోబల్ మార్కెట్‌లో బంగారం ధర శుక్రవారం ముగింపు సమయానికి చూస్తే దిగొచ్చింది. ఔన్స్‌కు 0.76 శాతం తగ్గుదలతో 1,496 డాలర్లకు పతనమైంది. ఇటీవల గ్లోబల్ మార్కెట్‌లో బంగారం ధర ఇటీవల 1,550 డాలర్ల స్థాయికి చేరిన విషయం తెలిసిందే. అక్కడి నుంచి చూస్తే బంగారం ధర దాదాపు 4 శాతం పడిపోయింది. వెండి ధర ఔన్స్‌‌కు 3.67 శాతం తగ్గుదలతో 17.51 డాలర్లకు పతనమైంది. రిస్క్ సెంటిమెంట్ మెరుగుపడటం వల్ల బంగారం, వెండి ధరలపై ఒత్తిడి నెలకొంది.

‘ఇటీవలి గరిష్ట స్థాయి రూ.39,885 నుంచి చూస్తే బంగారం ధర 5.64 శాతం పతనమైంది. గోల్డ్ ఫ్యూచర్స్ ధర తగ్గడం ఇది వరుసగా ఏడో రోజు’ అని యస్ సెక్యూరిటీస్ తెలిపింది. అంతర్జాతీయంగా చూస్తే బంగారం ధర నెల రోజుల కనిష్ట స్థాయికి తగ్గింది. ఈ వారం ప్రారంభంలో 1,483.9 డాలర్లకు పతనమైంది. ఇకపోతే ఇటీవల బంగారం ధర తగ్గుదల కారణంగా డిమాండ్ పెరగొచ్చని జువెలర్లు అంచనా వేస్తుంది.

Share on FacebookPlus on Google+

SUBSCRIBE TO OUR NEWSLETTER