'Home Loan' .... Best in this bank!
'హోమ్ లోన్'....ఈ బ్యాంక్‌లో తీసుకుంటే బెస్ట్!
చాలా మంది కొత్త ఇల్లు కట్టించుకోవాలని ప్లాన్ చేస్తుంటారు. అయితే ఇల్లు కట్టాలంటే చాలా డబ్బులు కావాలి. ప్రతి ఒక్కరి వద్ద ఇంత పెద్ద మొత్తంలో డబ్బులు ఉండకపోవచ్చు.
అందుకే చాలా మంది బ్యాంక్ నుంచి హోమ్ లోన్ తీసుకుంటుంటారు. ప్రస్తుతం మార్కెట్‌లో చాలా బ్యాంకుల హోమ్ లోన్స్‌ను అందిస్తున్నాయి. అర్హులైన కస్టమర్లు సులభంగానే రుణం పొందొచ్చు. అయితే అన్ని బ్యాంకుల ఒకే వడ్డీకి హోమ్ లోన్స్‌ను అందించవు. బ్యాంక్ ప్రాతిపదికన వడ్డీ రేటు కూడా మారుతూ వస్తుంది. అందుకే హోమ్ లోన్ తీసుకునే ముందు ఏ బ్యాంకులో ఎంత వడ్డీ ఉందో ముందే తెలుసుకోవాలి. వడ్డీ రేటు స్వల్పంగా మారినా కూడా దాని ప్రభావం కస్టమర్‌పై చాలానే ఉంటుంది. ఎందుకంటే హోమ్ లోన్స్ పెద్ద మొత్తంతో కూడుకున్నవి.
అందువల్ల వడ్డీలో ఏ కొంచెం మార్పు ఉన్నా తక్కువ వడ్డీ ఉన్న బ్యాంక్‌కు వెళ్లి హోమ్ లోన్ తీసుకోవడం మంచిది. స్టేట్ బ్యాంక్ ఆఫ్ ఇండియా (SBI), హెచ్‌డీఎఫ్‌సీ బ్యాంక్ (HDFC Bank) వంటి దిగ్గజ బ్యాంకుల కన్నా ఒక బ్యాంక్ తక్కువ వడ్డీకే హోమ్ లోన్స్ అందిస్తోంది. సిండికేట్ బ్యాంక్‌లో హోమ్ లోన్స్‌పై వడ్డీ రేటు ఇప్పుడు 8 శాతం నుంచి ప్రారంభమౌతోంది. బ్యాంకింగ్ పరిశ్రమ హోమ్ లోన్ వడ్డీ రేటు సగటుతో పోలిస్తే ఇది 10 బేసిస్ పాయింట్లు తక్కువ కావడం గమనార్హం.
సిండికేట్ బ్యాంక్ సిండ్ నివాస్ ప్రొడక్ట్ పేరుతో కస్టమర్లకు వివిధ రకాల హోమ్ లోన్స్ అందిస్తోంది. కస్టమర్ అర్హతల ప్రాతిపదికన రుణ మొత్తం, వడ్డీ రేటు మారుతూ ఉంటుంది. ఉద్యోగం చేసే వారు, స్వయం ఉపాధి పొందుతున్న వారు, మహిళలు, పురుషులు ఇలా వివిధ అంశాల ప్రాతిపదికన వడ్డీ రేట్లు కూడా మారతాయి. సిండికేట్ బ్యాంక్ (రిటైల్ విభాగం) జనరల్ మేనేజర్ డీఎస్ బేడి మాట్లాడుతూ..
కస్టమర్లకు అనువైన ప్రొడక్టులు అందించేందుకు సిండికేట్ బ్యాంక్ ఎప్పుడూ ముందుంటుందన్నారు. బ్యాంకింగ్ పరిశ్రమలోనే బెస్ట్ హోమ్ లోన్ ప్రొడక్ట్స్ అందిస్తుండటం సంతోషంగా ఉందని తెలిపారు. తక్కువ వడ్డీకే బ్యాంక్‌లో హోమ్ లోన్స్ పొందొచ్చని పేర్కొన్నారు. సిండికేట్ బ్యాంక్‌లో హోమ్ లోన్ పొందాలంటే కొన్ని అర్హతులు కలిగి ఉండాలి. భారతీయ పౌరుడై ఉండాలి. ఓటర్ ఐడీ/ ఆధార్ కార్డు/ ఇండియన్ పాస్‌పోర్ట్ వంటి డాక్యుమెంట్లు ఉండాలి. పర్సన్స్ ఆఫ్ ఇండియన్ ఆరిజిన్ (పీఐఓ)లు, హిందు అవిభాజ్య కుటుంబాలు కూడా సిండికేట్ బ్యాంక్ హోల్ లోన్ పొందొచ్చు.
0 Response to "'Home Loan' .... Best in this bank!"
Post a Comment