Latest information

Teachers Corner

More

Student Corner

More

Sponcerd links

Sponcerd Links

General Information

More

Train ticket cancellation?  Learn these points carefully

ట్రైన్ టికెట్ క్యాన్సల్ చేస్తున్నారా?అయితే ఇవి తెలుసుకొందాం!
Train  ticket cancellation?   Learn these points carefully


ఇండియన్ రైల్వేస్ ట్రైన్ ప్యాసింజర్లకు మెరుగైన సేవలు అందించేందుకు ఎప్పటికప్పుడు అప్‌డేట్ అవుతూనే ఉంటుంది. రూల్స్‌ మారుస్తూనే వస్తుంది. ఇండియన్ రైల్వేస్ 2015లో రిఫండ్ రూల్స్ మార్చింది. మళ్లీ 2019లో కూడా రెండు కొత్త మార్పులను తీసుకువచ్చింది. ఇప్పుడు ప్రస్తుతమున్న ఐఆర్‌సీటీసీ రిఫండ్ రూల్స్ గురించి తెలుసుకుంద్దాం.. అన్‌రిజర్వుడ్, ఆర్ఏసీ, వెయిట్‌లిస్టెడ్ టికెట్ క్యాన్సలేషన్‌ విషయానికి వస్తే.. అన్‌రిజర్వుడ్ (సెకండ్ క్లాస్) టికెట్ క్యాన్సల్‌కు రూ.30 చార్జీ పడుతుంది. అదే ఇతర తరగతి టికెట్లు, రిజర్వు అయిన సెకండ్ క్లాస్ టికెట్ రద్దు చేసుకుంటే రూ.60 చార్జీ చెల్లించాలి. కన్ఫార్మ్ అయిన టికెట్‌ను ట్రైన్ బయలుదేరడానికి 48 గంటలకు ముందుగానే క్యాన్సల్ చేస్తే..ఫస్ట్ ఏసీ/ఎగ్జిక్యూటివ్ క్లాస్ టికెట్‌కు రూ.240 చార్జీ చెల్లించాలి. అదే థర్డ్ ఏసీ/ఏసీసీ/3ఏ ఎకానమీ క్లాస్ టికెట్‌కు రూ.180 చార్జీ పడుతుంది. సెకండ్ క్లాస్ స్లీపర్‌ టికెట్‌కు రూ.120, సెకండ్ క్లాస్ టికెట్‌కు రూ.60 చార్జీ కట్టాలి. అదే కన్ఫార్మ్ అయిన రిజర్వు టికెట్‌ను ట్రైన్ బయలు దేరడానికి 48 గంటల నుంచి 12 గంటల మధ్యలో క్యాన్సల్ చేస్తే..క్యాన్సలేషన్ చార్జీ కనీసం 25 శాతంగా ఉంటుంది. అదే కన్ఫార్మ్ టికెట్‌ను ట్రైన్ బయలుదేరడానికి 12 గంటల నుంచి 4 గంటలలోపు క్యాన్సల్ చేస్తే అప్పుడు క్యాన్సలేషన్ చార్జీ కనీసం 50 శాతంగా ఉంటుంది. ఇక ఆర్ఏసీ, వెయిట్ లిస్టెడ్ టికెట్స్‌కు ట్రైన్ బయలు దేరడానికి 30 నిమిషాల ముందు వరకు రిఫండ్ వస్తుంది. క్లర్కేజ్ చార్జీలను మాత్రమే తీసుకుంటారు.
అదే ఈటికెట్ క్యాన్సలేషన్‌కు రిఫండ్ ఆటోమేటిక్‌గానే వస్తుంది. టీడీఆర్ ఫైలింగ్ అవసరం లేదు. ప్రీమియం స్పెషల్ ట్రైన్స్‌లో కన్ఫర్మ్ అయిన లేదా ఆర్ఏసీ టికెట్లను క్యాన్సలేషన్ చేసుకోవడానికి వీలుండదు. ట్రైన్ క్యాన్సల్ అయినప్పుడు మాత్రమే రిఫండ్ వస్తుంది.
ఆన్‌లైన్‌లో టికెట్‌ను క్యాన్సల్ చేసుకుంటే అప్పుడు రిఫండ్ మొత్తం డైరెక్ట్‌గా బ్యాంక్ అకౌంట్‌కు వచ్చి చేరుతుంది. ఐదు రోజుల్లో మీ డబ్బులు మీకు బ్యాంక్ ఖాతాకు వస్తాయి. కౌంటర్‌కు వెళ్లి టికెట్ క్యాన్సల్ చేసుకుంటే 7 రోజుల్లో అక్కడే డబ్బులు తిరిగి ఇచ్చేస్తారు. ఒకవేళ వరదలు, సమ్మె వంటి కారణాలరీత్యా స్టేషన్‌కు చేరుకోలేకపోతే..
అప్పుడు 3 రోజుల్లోగా టికెట్ డిపాజిట్ రిసిప్ట్ (టీడీఆర్) కోసం అప్లై చేసుకోవచ్చు. దీని తర్వాత సీసీఎం కోసం క్లెయిమ్ చేసుకోవచ్చు. 90 రోజుల్లోగా రిఫండ్ డబ్బులు వచ్చేస్తాయి. తత్కాల్ టికెట్లను క్యాన్సల్ చేసుకుంటే ఎలాంటి రిఫండ్ రాదు.
అలాగే ఆన్‌లైన్‌లో టికెట్ బుక్ చేసుకుంటే.. చార్ట్ ప్రిపరేషన్ తర్వాత టికెట్లను రద్దు చేసుకోవడం కుదరదు. ఇలాంటి సందర్భాల్లో ఆన్‌లైన్ టీడీఆర్ ఫైలింగ్ ద్వారా రిఫండ్ స్టేటస్ ట్రాక్ చేయొచ్చు. గ్రూప్ టికెట్ బుకింగ్ విషయానికి వస్తే.. కొందరి టికెట్లు కన్ఫర్మ్ అయి కొందరివి ఆర్ఏసీలో ఉంటే.. అప్పుడు ఆర్‌ఏసీ టికెట్ డబ్బులు టికెట్ కన్ఫార్మ్ అయిన వారికి చెల్లిస్తారు.

SUBSCRIBE TO OUR NEWSLETTER

Seorang Blogger pemula yang sedang belajar

0 Response to "Train ticket cancellation?  Learn these points carefully"

Post a Comment