Review of Five-Day Workdays.
అయిదు రోజుల పనిదినాలపై సమీక్ష మరల ఏడాది పొడిగిస్తారా .. ?
అమరావతి , ఆంధ్రప్రభ : అసెంబ్లీ సమావేశాల సందర్భంగా పాలనా వికేంద్రీకరణ , సీఆర్ డీఏ రద్దు బిల్లులు ప్రభుత్వం తిరిగి ప్రవేశపెట్టే ఏకగ్రీవ ఆమోదం పొందిన నేపథ్యంలో పరిపాలన రాజధాని విశాఖపట్టణంకు మార్చే విషయమై చర్చలు ఊపందుకున్నాయి . మండలిలో చర్చకు రాకపోయినా కొద్ది రోజుల్లో ఈ రెండు బిల్లులు పాసయ్యే అవకశాలు ఉన్నాయి . ఈ నేపథ్యంలో రాష్ట్ర ప్రభుత్వం పాలనలో కీలక మార్పులు చోటుచేసుకుంటున్నాయి . ఇప్పటివరకు అమరావతి కేంద్రంగా పనిచేసిన కొన్ని ప్రభుత్వ కార్యాలయాలను వివిధ ప్రాంతాలకు మార్చేందుకు కసరత్తు ప్రారంభమైంది . ఇదే సమయంలో ఉద్యోగులకు గతంలో ఇచ్చిన అయిదు పనిదినాల ఆప్షన్ నుకూడా ప్రభుత్వం సమీక్షించే అవకాశం ఉంది . ఈ ఆప్షన్ను ఇప్పటికే ఒక సారి పొడిగించిన జగన్ సర్కార్ ఈ సారి ఏం చేయబోతుందనేది ఉత్కంఠగా మారింది . అయిదురోజుల పనిదినాలతో ప్రభుత్వ కార్యాకలాపాలు కుంటుపడినట్టుగా భావిస్తున్నారు . ప్రభుత్వ స్థాయిలో తీసుకోవాల్సిన నిర్ణయాలకు కేంద్రబిందువుగా ఉండే సచివాలయంతో పాటు అమరావతిలోని హెచ్ వోడి కార్యాలయాల్లో పనిచేసే ఉద్యోగులకు అప్పటి పరిస్థితుల ఆధారంగా అయిదు రోజుల పనిదినాలు కల్పించారు . సోమవారం ఉదయం 11 గంటలకు విధుల్లోకి వచ్చి శుక్రవారం మధ్యాహ్నం బయలుదేరి హైదరాబాద్ కు వెళ్ళటం వల్ల సచివాలయంలో పని బాగా కుంటుపడిందనీ , ఫైళ్ళు పెండింగ్ పడుతున్నాయని భావిస్తున్నారు . వైసీపీ అధికారంలోకి వచ్చిన తరువాత కూడా వారానికి అయిదురోజుల పనిదినాలను పొడిగించారు . అయితే , రాజధాని అమరావతిలోనే ఉన్నా , విశాఖకు వెళ్ళినా కొద్దికాలం ఉద్యోగుల రాకపోకలు తప్పనిసరి . ఈ నేపథ్యంలో మరో ఏడాదిపాటు అయిదు రోజుల పనిదినాన్ని పొడిగించే అవకాశం కూడా లేకపోలేదని భావిస్తున్నారు .
0 Response to "Review of Five-Day Workdays."
Post a Comment